Ինչ է տեղի ունենում
Ի՞նչ է իրականում տեղի ունենում:
Իմ կարծիքով, առկա է 2 հնարավոր սցենար:
1. Գունավոր հեղափոխություն
Իմ կարծիքով այս տարբերակը քիչ հավանական է, քանի որ «չի երեվում փողը պոչը»:
2. Լեւոնը տիրապետում է որոշակի տվյալների, ինֆորմացիայի, որով էլ շանտաժի է ենթարկում կամ իր կողմն է գրավում մարդկանց
Վերջին տարբերակն ավելի հավանական է իմ համար. կա այնպիսի տպավորություն, որ իր ձեռքի տակ նա ունի (կամ միայն ձեւ է անում, որ ունի) տվյալներ, որոնք կարող են «խեղճացնել» շատ-շատերին:
Նույնիսկ եթե այդ տվյալները չեն վերաբերվում որոշ մարդկանց, ամեն դեպքում, ոչ ոք չի ուզում կանգնած լինել մնացածի կողքին: Հավանաբար խոսքը գնում է 27-ի դեպքերի մասին:
Կհարցնեք՝ որտեղի՞ց նրան այդ տվյալները: Պատասխանեմ. հավանաբար կան (կային) մարդիկ, որոնք իրենք ռիսկ չունենալով դրանք հրապարակել, ճիշտ ժամանակին այն հանձնել են Լեւոնին:
Ի սկզբանե իմ մոտ տպավորություն կար, որ Լեվոնը ինչ-որ «կոզր» ունի: Չգիտեմ, այս ամենը Լեվոնի հերթական բլե՞ֆն է (ամեն դեպքում եթե դա նույնիսկ բլեֆ է, ապա շատ լավ է օգտագործվում): Ամեն դեպքում, առաջիկա 10-20 օրը ցույց կտան, թե բլե՞ֆ է այս ամենը, թե՞ ծրագրված սցենար:
Ի՞նչ կասեք:
կանխավ ներողություն եմ խնդրում իմ հայերենիս համար
Ներկա պահին ստացվել է 6 մեկնաբանություն
Ձեր մեկնաբանությունը գրեք այստեղ
Մեկնաբանել կարող են F5 բլոգում գրանցված եւ համակարգ մուտք գործած անդամները
Ժոժոբ, ախր ինչո՞ւ չես համակերպվում այն մտքի հետ, որ ոչ բոլորն են այս ազգի մեջ ստրկահոգի, ու մի մասը կարող են ուղղակի այն աստիճան զզվել ներկայիս վարչախմբից: Ոչ մեկն էլ հրեշտակ չի, բայց կարող են մարդիկ լավ զզված լինել, ու ի՞նչ է հարկավոր այդ մարդկանց քո կողմը քաշելու համար` մի պաշտոն (դրանից շատ կա) ու երաշխավորություն, որ իրեն ձեռք չեն տա: Վերջ: Այնպես որ հնարավոր սցենարը` իմ պատկերացմամբ: Էլի լիքը մարդ անցնում է Լևոնի կողմը, ու տեղի է ունենում խաղաղ հեղափոխություն, կուզես գունավոր անվանի, կուզես շերտավոր:
23-02-08 • 15:12 PMՆերող եղեք, չգիտես ինչու սխալ է գրվել:
Ես նկատի ունեի՝ չի երեվում պոչը, հավանաբար ադմինը ինչպես միշտ խմբագրել է, եվ սխալ ընկալել իմ սխալ գրածը (գրել էի փոչը- ԱԿԱ պոչը):
Ի միջի այլոց, մեկ սցենար էլ կարող է լինել՝ Ռոբերտի եվ Լեւոնի համաձայնություն կա, որպեսզի վերջինս ապահովի Ռոբի անվտանգությունը: Ամեն դեպքում ես շարունակում եմ հակված լինել 2-րդ տարբերակին:
Հիմա պատկերացրու քո իսկ ասածը՝ Մանվելի կամ Սեյրանի օրինակներում: -)
Իհարկե, եթե իրականում նրանք Լեւոնի հետ են. նոր TV-ով էլի ասվեց, որ նրանք նման հայտարարություն չեն արել, ինչպես նաեվ Բարգավաճի 2 դեպուտատների հայտարարությունը Կարո Կարապետյան եվ մյուսը):
23-02-08 • 15:43 PMհիմա պատկերացրու քո իսկ ասածը Մանվելի կամ Սեյրանի դեպքում՞
23-02-08 • 15:44 PMՀարգելի Jojoba, կներեք սխալ խմբագրման համար: Այն կուղղվի:
Ինչ վերաբերվում է Ձեր տարբերակներին, ապա ինչո՞ւ չեք նշել ամենաբնական տարբերակը. եղել են անթույլատրելի կեղծումներ, եւ ժողովուրդը սկզբից ընկճվել, այնուհետեւ ոտքի է ելել՝ «ուղղելու» ընտրական սխալները:
Նախ. ինչո՞ւ եք այդքան ցիտում պաշտոնական հաղորդագրությունները: Իրո՞ք այդքան հավատում եք Տաթեւիկի եւ այլոց շուրթերով արտաբերվող տեղեկություններին: Չէ՞ որ, ըստ նույն այդ հաղորդագրությունների, Եվրոպականա դիտորդները ընտրությունները մեծամասամբ համապատասխանել են եվրո-չափանիշներին: Իսկ իրականում, նրանք խոսել են ոչ թե ընտրությունների եւ դրանց արդյունքների, այլ ընտրական գործընթացների մասին: Ավելի պրիմիտիվ օրինակներ. խոսում են Թայվանում ինչ-որ մեզ համար անկապ դեպքի մասին, ու ձայն չկա Երեւանի սրտում ավելի քան 200,000 ժողովրդի խաղաղ ցույցի մասին:
Պաշտոնական տեղեկատվությունն ինչո՞ւ է «համեստորեն լռում» այն մասին, որ արդեն 23-ն ենք, սակայն Սերժի մեծ պաստառները չեն չքվում մեր փողոցներից: Հասկանում եմ՝ նրանք համոզված են, որ կրկնակի ընտրություններ են անցկացվելու, եւ չարժե նույն նկարը հանել-դնել, սակայն չէ՞ որ դա օրենքի ԿՈՊԻՏ խախտում է: Թե՞ ուղղակի ՀՀԿ-ն իրենց առաջնորդի պատկերով նպաստում է պաս պահող բնակչությանը (ընկճում է նրանց ախորժակները):
Մի խոսքով, ինչպես ռուսներն են ասում, «դեռ գիշեր չէ»: Ու ինչպես մեր հայրերն են ասում՝ «կապրենք՝ կտեսնենք»:
23-02-08 • 16:28 PMԳրում է «ԱԶԳ» թերթը
ՈՎ ԻՆՁ ՀԵՏ ՉԷ, ՏԱԿԱՆՔ Է...
Այսպես կամ մոտավորապես այսպես է ասել Լեւոն Տեր-Պետրոսյանը երեկ Ազատության հրապարակում տեղի ունեցած հանրահավաքի ամբիոնից: Ըստ «Lragir.am»-ի, ՀՀՇ առաջնորդն ի մեջ այլ բաների, ասել է. «Սա վեհացման եւ ստորացման ժամանակաշրջան է: Դժվար է պատկերացնել մի քաղաքացի, որն ունի արժանապատվություն եւ չի կանգնում շարժման կողքին, ուրեմն դա ազգի տականքն է»: Նա ցավ է հայտնել, որ տականքը շատ է, սակայն նշել է նաեւ, որ «ազատ քաղաքացիների, համաժողովրդական շարժման մասնակիցների ավելանալու հետ մեկտեղ այդ տականքը նվազելու է եւ քչանալով՝ մտնելու է իր բները»:
Այս էլ մեր ուսյա՜լ, գիտնակա՜ն, իմաստո՜ւն, եվրոպական ու համաշխարհային արժեքներ կրո՜ղ նախագահացուն…
Նրանց համար, որ կարծում է, որ նման երեւույթը անթույլատրելի է, «ԱԶԳ» օրաթերթը բացել է հատուկ էջ՝ ՏԱԿԱՆՔՆԵՐ:
Գրում է [url=
«Նորվեգը»]http://www.armtown.com/news/am/chi/]«Նորվեգը»[/url] Ամերիկայից.
Մի առած կա «երբ օձի գլուխը քոր է գալիս, մեկնվում է ճանապարհին և սպասում իր գլուխը ջարդողին»: Լևոնը մի եղբայր ուներ, ճիշտ իր նման, թունոտ, վիրավորող, գռգռիչ, անունը Թելման, հիմա հանգուցյալ: Նա բնական մահով չավանդեց հոգին; Նա «Հրազդանմաշ» գործարանի տերն էր և բանվորներին աշխատավարձ չէր տվել 11 ամիս: Մարդկանց համբերությունը հատել էր նրա ստերը լսելուց, քանի որ տեղյակ էին պարսկաստանի ճանապարհով մեծաքանակ պղինձ արտահանելու և միլիոններ վաստակելու փաստը: Մի անգամ մի քանի տղամարդ բանվոր շրջապատեցին նրան գործարանի տարածքում և պահանջեցին իրենց հասանելիքը: Նա հայհոյեց բոլորին և սպառնաց բանտով: Տեղի ունեցավ անսպասելի ողբերգություն, բանվորները բահի մի քանի հարվածով ջնջխեցին նրա գլուխը և նա մեռած ընկավ գետին: Նույնիսկ թիկնապահները չհասցրին միջամտել: Նույն բանը Լևոնին է սպասվում որևէ ժամանակ: Կարծեմ նրա վարքը նրան տանում է «ճանապարհի վրա պառկելու»:
Ըստ «ՄԻԼԻԵԹԻ»
Դրանում համոզվելու համար կարելի է անդրադառնալ Սամի Քոհենի «Միլիեթի» փետրվարի 22-ի համարում հարապարակած հոդվածին: Ահա թե ինչ է գրում նա.
«Հայաստանի նախագահական ընտրություններից անմիջապես հետո հազարավոր բողոքարկողների փողոց դուրս գալը որոշ կասկածներ առաջացրեց ինչպես արդյունքների ճշտության, այնպես էլ երկրի քաղաքական ապագայի առնչությամբ: Ընտրություններում Սերժ Սարգսյանին ձայների մեծ տարբերությամբ պարտված Լեւոն Տեր-Պետրոսյանի կողմնակիցների կարծիքով լուրջ ընտրախախտումներ են կատարվել: Հակառակ դրան օտարերկրյա դիտորդները, որոնք հետեւել էին ընտրությունների ընթացքին, նշում են, որ արդյունքների վրա ազդող որեւէ լուրջ խախտում չեն արձանագրել: Սակայն Տեր-Պետրոսյանը համառորեն շարունակում է առարկել եւ հայտարարություններ է անում, թե հետքայլ չի կատարելու եւ պայքարը տանելու է մինչեւ վերջ:
Ի՞նչ ընթացք կունենա այդ պայքարը, կնմանվի՞ արդյոք հարեւան Վրաստանում 5 տարի առաջ ծայր առաջ այն փողոցային ցույցերին, որոնք հանգեցրել էին «թավշյա» հեղափոխության: Հայաստանի առաջնակարգ լրագրողներից մեկը, որի հետ երեկ հարցազրույց ենք ունեցել, ասաց, որ Երեւանում մեծ չէ բողոքարկողների շանսը, որովհետեւ ժողովուրդը հեղափոխություն չի ուզում: Եթե չլինեն ցուցարարների հետ ոստիկանության բախումներ, ապա բողոքարկողների շարժումը կմատնվի անուշադրության եւ շուտով կմարի:
«ՄԻԼԻԵԹԸ» ավելի ճիշտ ու սառն է դատում, քան Լևոնը: Հայաստանին ցնցումներ պետք չեն:Դրան են սպասում մեր թշնամիները: Ներսում պետք չէ թշնամիներ փնտրել, սրելով իրավիճակը: Սա համաժողովրդական շարժում չէ,Լևոնն էլ սուրբ չէ,թող մտնի իր պարսպավոր տունը:
Այս ամենից հետո խնդա՞ս, թե՞ լաս… այս է խնդիրը… զվոխբամ զքեզ զկորուսյալ ու մոլորյալ ժողովուրդս:
Գրում է. F5-admin- ը (որի հայացքները հարգում ու հասկանում եմ) «դեռ գիշեր չէ»: Ու ինչպես մեր հայրերն են ասում՝ «կապրենք՝ կտեսնենք»:
23-02-08 • 17:47 PMԹՈՂ ԲԱՐԻՆ ԼԻՆԻ ՈՒ ՍԵՐԸ ՀԱՂԹԻ
Հարգելի Վահան, կներեք, սակայն Ձեր մտքերի մեծ մասի հետ ես համաձայն չեմ, ու կփորձեմ ստորեւ բացատրել, թե ինչու:
Նախ, Ձեր մտքերը (ցավոք) հիմնականում կառուցված են այլ հղումների (էլեկտրոնային աղբյուրներ), այլ ոչ թե «ականատեսի աչքերի» հիման վրա: Սա, բնականաբար, չի կարող չազդել Ձեր ընկալումների վրա: Ինչպես ասում են՝ մի անգամ տեսնելն ավելի լավ է, քան 1000 (կամ որեւէ մեկ այլ մեծ թիվ) լսելը:
Այսպիսով, անցնեք Ձեր բերված հղումներին:
Իմ պատկերացումները ԱԶԳ թերթի մասին
Սա իշխանամետ թերթ է, որն ինչպես բոլոր ժամանակներում, այնպես էլ հիմա, ծառայում է միայն ու միայն գործող իշխանությանը: Ապացույց. բացեք Լեւոնի ժամանակվա ԱԶԳ-ի որեւէ համար, որտեղ խոսք կա Լեւոնի եւ, ընդհանուր առմամբ, այդ ժամանակվա իշխանությունների մասին: Եթե որեւէ կծու կամ թթու խոսք տեսնեք, ասեք, ես էլ ընթերցեմ: Սա մեկ
Երկրորդը, Լեւոնի խոսքերը Ազգը մեկնաբանում է այնպես, ինչպես Եհովայի վկաներն են մեկնաբանում Աստվածաշնչից վերցված որեւէ պարբերություն: Լեւոնի խոսքը ինչի՞ մասին էր՝ իհարկե, մյուս թեկնածուների: Ձեզ մնում է ապացուցել, որ Սերժից բացի (որին Լեւոնը համարում է իր միակ հակառակորդը), մյուս 7 թեկնածուները տականք չեն: Եկեք հիշենք, թե ինչու նրանք դրեցին իրենց թեկնածությունները, ինչպես իրենց պահեցին իրենց՝ նախընտրական շրջանում, եւ ինչպես ընդունեցին իրենց պարտությունը («կզեցին»
եւ կհասկանաք, որ նրաք ոչ ավելին են, քան տականքը: Դուք (եթե չեմ սխալվում) հայաստանաբնակ չեք, իսկ հեռվից չէիք կարող ուշադրությամբ հետեւել ամեն մանրուքին, չէիք կարող տեսնել մյուս թեկնածուների թույնը եւ թարախը՝ Լեւոնի հանդեպ: Նրանք դրել էին իրենց թեկնածությունները ոչ թե նախագահ դառնալու, այլ միայն ու միայն Լեւոնին խանգարելու համար: Այն էլ՝ Սերժի հրամանով: Նրանք կուլ տվեցին այն, ինչ տեսան այս ընթացքում: Ու պատրաստ են աշխատելու մի նախագահի տակ, ով թքեց մի ամբողջ ժողովրդի երեսին: Մի՞թե սա տականքություն չէ: Հատկապես, որ նրանց բազմիցս ասվել եւ զգուշացվել էր, որ այլ ուղի չկա, քան միանալը օրեցօր ընդլայնվող շարժմանը:
Իմ պատկերացումները Նորվիգի մասին
Ես չհասկացա, սա թե՞րթ է, թե՞ Գյուլնազ տատիկի հեքիաթների օն-լայն տարբերակը: Նույնիսկ չեմ էլ ուզում քննարկել: Տիպիկ հնդկական կինո:
Իմ պատկերացումները Միլլեթի մասին
Միլլեթը իր մտքերը կառուցել է բացառապես պաշտոնական տվյալների հիման վրա: Ընտրություններ, որպես այդպիսին, Հայստանում համարյա չեն ընթացել: Եղել է համատարած նախընտրական անհավասարաչափություն եւ կողմնապահություն, եղել է տարածուն վախի եւ ուղեղի լվացման տեխնոլոգիաների կիրառում, ընտրության օրը՝ բռնություններ եւ լցոնումներ, հանձնաժողովների եւ ընտրողների կաշառում, եւ այս ամենի՝ ԿԸՀ-ի կողմից սրբագրում: Օտարեկրկրյա դիտորդները բան չեն նկատե՞լ: Մի՞թե նրանք խոսք են ասել արդյունքների վերաբերյալ:
Ի՞նչ է նշանակում՝ ներսում պետք չէ թշնամի փնտրել: Իսկական թշնամին հենց ներսում է:
Ի՞նչ է նշանակում՝ մեզ ցնցումներ պետք չեն: Մի՞թե մեզ պետք է հարատեւ մնալ այս ճահճոտ սուլթանությունում: Ինչո՞ւ ենք այդքան վախենում ցնցումներից: Եվ, վերջապես, Ռոբերտի ու Սերժի ստեղծած բուրգի (եւ ոչ թե պետության) կազմաքանդելը այդքան սարսափելի՞ է Հայաստանի համար:
Ի՞նչ է նշանակում՝ սա համաժողովրդական շարժում չէ: Եթե ընտրություններից հետո հրապարակում հավաքվում են 200-300 հազար մարդ, սա համաժողովրդական չէ՞՚՚: Անպայման պետք է Հայաստանի կեսը հավաքվեր, որ դառնար համաժողովրդակա՞ն: Եթե փետրվարի 20-ին մարդկանց մեծ մասը դեպրեսիայի մեջ էր, դա նորմա՞լ է:
Ասում եք՝ ժողովուրդը մոլորյալ է: Գիտե՞ք արդյոք, ինչից է մոլորվել: Մոլորվել է իր անունակությունից ու անճարությունից: Եվ Լեւոնն է, որ ժողովրդին ասում է՝ եթե մոլորյալ էիք, ապա ես ցույց եմ տալիս այն ճանապարհը, որով դուք դուրս կգաք այս դեպրեսիայից: Եւ կպատժեմ բոլոր նրանց, ովքեր Ձեզ դարձրել են դեպրեսիվ եւ մոլորյալ:
Ու վերջում դարձյալ անդրադառնամ ամենասկզի մտքիս՝ մի՞թե տականք չեն այն մարդիկ, ովքեր փողի կամ իշխանության համար, կամ էլ՝ իրենց անձնական ամբիցիաներից ելնոլվ խանգարում են այս գործին: Մի՞թե սրիկա չեն այն մարդիկ, որ այս գիշերվա՝ խաղաղ ցուցարարների հնարավոր «Кольцо» ջարդելուց հետո պետք է մեծ-մեծ խոսեն, որ նման օպերացիայի մեղավորը Լեւոնն էր…
Հ.Գ. Շնորհակալություն իմ մտքերը նման գնահատականի արժանացնելու համար:
24-02-08 • 03:23 AM