Ըստ երեւույթին, Արթուրին ամենահաջողը նկարագրել է Քոչարյանը.
«Ինձ համար սա իսկապես դավաճանության դրսեւորում է: Այն ավելի այլանդակ տեսք ունի, որովհետեւ սեփական նախաձեռնությամբ դու, ընտրություններից դեռ 3 ամիս առաջ, համոզում ես օտարերկրյա դիվանագետին, որ պետք է ամեն ինչ անել, որպեսզի ընտրությունները վատ գնահատական ստանան: Իսկ մեկ անգամ դավաճանողն ընդունակ է դա անել 2-րդ, 3-րդ եւ 4-րդ անգամ»
Սա Արթուր Բաղդասարյանի համար ծանր միջկոալիցիոն ժամանակաշրջանում էր, երբ «Մարկո-Պոլոյի» խոսակցությունները հայտնի էին դարձել բոլորիս:
Հիմա նույն ինքը` Արթուրը, դարձել է կոալիցիայի անդամ, եւ, իր իսկ խոսքերով, ինքը, Սերժ Սարգսյանի, ՀՅԴ-ի եւ բարգավաճ Գագիկի հետ ուս-ուսի տված, պետք է կատարի «լայնածավալ սոցիալ-տնտեսական և քաղաքական բարեփոխումներ Հայաստանում...»:
Նույն այդ Արթուրը, ով 1996-ին հեղինակել էր մի գիրք` նվիրված այն ժամանակ գործող նախագահ Լեւոն Տեր-Պետրոսյանին:
Նույն այդ Արթուրը, ով 2003թ. նախագահական ընտրություններում պաշտպանեց Լեւոնին գահընկից արած Ռոբերտ Քոչարյանի թեկնածությունը:
Նույն այդ Արթուրը, ում, 2006թ. գերմանական «Frankfurter Allgemaine» թերթին տված հարցազրույցի պատճառով, նույն Քոչարյանը «փռեց լվացքի պարանին», եւ մեկ տասնյակ գործարարներ լքեցին ՕԵԿ-ի շարքերը խորհրդարանական ընտրություններից առաջ:
Նույն այդ Արթուրը, ով 2006թ. մայիսի 29-ին իբր թե հրաժարվեց ԱԺ նախագահի պաշտոնից եւ խցկվեց ընդդիմություն:
Նույն այդ Արթուրը, ով 2008թ. փետրվարին հայտարարում էր, թե «ընդդիմադիր ուժերի հնարավոր միավորումները տեղի կունենան առաջին փուլի ավարտից հետո»: Եվ որին Լեւոն Տեր-Պետրոսյանն իրավմամբ հակադարձեց.
«Ա. Բաղդասարյանը երիտասարդ, համակրելի տղա է, ունի ընտրազանգված, կարողացավ ստեղծել ինչ-որ համակարգ: Բայց այսօր նա պետք է հասկանա մեկ բան. ինչ էլ ասի, ինչ էլ անի, քանի ձայն էլ որ ստանա, դրանք իրենը չեն, այլ ուղղակի գումարվելու են իշխանության թեկնածու Սերժ Սարգսյանի ձայներին: Ա. Բաղդասարյանն այսօր խաղում է չարաբաստիկ դեր: Եթե նա իր դիրքը չփոխի, իսկ հույս կա, որ կարող է ճիշտ գնահատել իրավիճակը եւ կանգնել ժողովրդի կողքին, ապա կդավաճանի ժողովրդի գործին: Նա ուղղակի կլծվի Ս. Սարգսյանի կառքին»
Նույն այդ Արթուրը, ում` ընդդիմությանը չմիանալու փաստը Սերժ Սարգսյանը մեկնաբանեց, որ ինքը գիտեր, որ այդպես է լինելու, քանի որ «լավ է ճանաչում իր «հաճախորդներին»:
Նույն այդ Արթուրը, ով քարոզարշավի ընթացքում իր եւ Ս. Սարգսյանի միավորման մասին խոսակցությունները այդ իսկ միավորումից 10 օր առաջ որակեց իբրեւ «անամոթ սուտ»:
Եվ, վերջապես, նույն այդ Արթուրը, ով իր թիմակցին միանալուց, հպարտորեն հայտարարեց.«Մեր քաղաքական թիմը կայացրեց բավականին խոհեմ որոշում: Որովհետեւ մենք, միանալով Լ. Տեր-Պետրոսյանին, կարող էինք գնալ արկածախնդրության ուղով, որի արդյունքում զոհերի թիվն ավելի մեծ էր լինելու, կամ պետք է ընտրեինք երկրի զարգացման ճանապարհը: Եվ մենք արժանապատվորեն սեղմեցինք պարոն Սերժ Սարգսյանի` մեզ առաջարկած ձեռքը` համատեղ կառավարելու երկիրը, ստանձնելու պատասխանատվություն երկրում տեղի ունեցող գործընթացների նկատմամբ»:
Հ.Գ. Որպես աղբյուր օգտվել եմ Արարատ Դավթյանի ««Անամոթ սուտը» դարձավ իրականություն» հոդվածից:
F5blog.com: 100% Armenian Blog - Your Fresh Ideas Online!
Ներկա պահին ստացվել է 5 մեկնաբանություն
Ձեր մեկնաբանությունը գրեք այստեղ
Մեկնաբանել կարող են F5 բլոգում գրանցված եւ համակարգ մուտք գործած անդամները
Այս տեսակի բացահայտումը պետք է մեր երիտասարդներին եւ դեռահասներին` որպես օրինակ այն բանի, թե ինչպիսին ՉՊԵՏՔ Է լինեն նրանք, եթե ցանկանում են վայելել իրենց ընկերների եւ մտերիմների հարգանքը:
Դե, ուրեմն, սկսեցինք:
Դե, իր նախընտրական ծրագիրն էր ներկայացնում մեր «ընդդիմադիրը»: Ըմբռնումով մոտեցեք: Ահա եւս մեկ մեջբերում` նույն ամբիոնից, նույն ոճով (գնահատականները թողնում եմ Ձեզ).
Ահա մեկ այլ մեջբերում Բաղդասարյանի ելույթից` հնչեցված 22-12-2007-ին, ՕԵԿ-ի արտահերթ համագումարի ընթացքում:
Խեղճ ՕԵԿ-ականներ, ոնց չեմ նախանձում Ձեզ…
22-03-08 • 17:57 PMԴա ու՞մ հայտնի չէ, որ քաղաքականությունը բարձրարժեք պոռնկության դրսևորում է և մաքուր մարդիկ այնտեղ տեղ չունեն:
24-03-08 • 03:26 AMԵթե չեմ սխալվում, ինչքան քաղաքականությունը պոռնկություն չէ, որքան դրանով զբաղվող մարդիկ են այն դարձնում պոռնկություն:
Արտաշես Գեղամյան, բլբուլ էիր կտրել… ականջդ կանչի ու խիղճդ ամաչի…
24-03-08 • 16:29 PMԷս ջահելի մասին չարժի անգամ խոսլե:
24-03-08 • 17:26 PMԵթե չեմ սխալվում, ինչքան քաղաքականությունը պոռնկություն չէ, որքան դրանով զբաղվող մարդիկ են այն դարձնում պոռնկություն:
Արտաշես Գեղամյան, բլբուլ էիր կտրել… ականջդ կանչի ու խիղճդ ամաչի…
Ջուրը մտնողը թրջվում է: Այլևս միևնույնն է հավն է ձվից ,թե ձուն հավից:
24-03-08 • 22:44 PMՊատմությունը հուշում է, թե որքան անվանի մարդիք են որակավորել քաղաքականությունը որպես անբարո երևույթ:Օրինակ ակադեմիկոս
Սախարովը ու էլի նրա պես մարդիկ ոչ մի բանի գնով չէին համաձայնվի
ստանձնել պաշտոն քաղաքականության մեջ: