Խաբեություն, թե հայկական իրականություն ՞ Ոստիկանապատված իշխանություն կամ ո՞րն է Սերժ Սարգսյանի
Հոկ 14

Հարգելի Բիլայնի Բաժանորդների աջակցման ծառայություն, ես, Դավիթ Կ. Դ-ս համարվում եմ ձեր բաժանորդը, հեռ. 09101****.

Մի քանի օր առաջ /11.10.2009/ նոր հեռախոսս ուսումնասիրելիս պատահաբար հայտնաբերեցի նոր բաժիններ իմ իսկ հեռախոսում, որն ի դեպ միացված չէ ինտերնետին: Ահա այստեղ տեսնելով նոր բաժին մտա այնտեղ /Menu -> Services -> Beeline -> Beeline -> Zvarchanq -> Astghagushak/:

Եվ որքան մեծ էր իմ զարմանքս երբ սղմելով տրանսլիտով գրված առաջին իսկ կենդանակերպի նշանի վրա, մի քանի վայրկյան հետո ստացա կարճ հաղորդագրություն Բիլայնի կողմից, որ ես բաժանորդագրվեցի Աստղագուշակ ծառայությանը:

Ուզում եմ հատուկ նշել, որ հեռախոսի տարբեր հնարավորությունները տնտեղելիս, ինձ չի զգուշացվել, որ ես պատրաստվում եմ օգտվել վճարովի ծառայություններից; չի եղել ոչ մի խոսք ծառայության գնի մասին; չի հարցվել՝ ուզում եմ ես օգտվել այդ ծառայությունից, թե՝ ոչ; չեմ ուղարկել ոչ մի SMS հաղորդագրություն:

Զարմանքս այնքան մեծ էր, որ ես այդ պահին լուրջ չգիտակցեցի թե ինչ կատարվեց: Երկու օր իրար վրա հաղորդագրության ստանալուց հետո խորհրդակցեցի ընկերոջս հետ, որն էլ խորհուրդ տվեց դիմել Բիլայնի Սպասարկման սրահ:

Ցավոք սրտի 2 սպասարկման սրահների /ուր ես բախտ ունեցա դիմելու - Հյուսիսային պողոտա եվ Վարդանանց փողոցի վրա/ աշխատակիցներն, բացի ինձնից 300 դրամ գանձելուց եվ զանգերի վերծանումը ներկայացնելուց ... լավագույնը, որ արեցին՝ դա խորհուրդ տվեվին Նիկիտա կազմակերպություն, պարզելու բաժանորդագրման պատճառաբանությունը:

Դիմեցի Նիկիտա, բայց նրանց հավաստմամբ նրանք կապ չունեն, դա ՍԻՄ-Մենյու ծառայության հեռախոսահամարն է:

Ստիպված զանգեցի 0611 համարով, եվ պարզեցի, որ նման ծառայություն դուք եք մատուցում /3րդ կազմակերպության կողմից/: Բայց ձեր աշխատակիցն պնդում էր հեռախոսով, որ «Astghagushak» մտնելուց առաջ անպայման զգուշացվում է դրա մասին, եվ որպես հավաստում տվեց ծառայությունը մատուծող կազմակերպության հեռախոսն:

Ցավոք այդ իսկ ծառայության աշխատակիցները չհերքեցին, որ ծառայությունը իրենք են մատուցում, բայց եվ չհերքեցին, որ օգտվելուց առաջ չկա ոչ մի զգուշացում:

Իրենց իսկ խոսքերով ծառայության վճարովի լինելու մասին եվ գների վերաբերյալ պարբերաբար տրվում է գովազդի կերպով հաշվի բալանսը ստուգելիս /*102# սղմելիս/ եվ գրված է սպասարկման սրահներում բուկլետների տեսքով:

-----
Կրկնում եմ, ես օգտվելով իմ իսկ հեռախոսից մտնելով այստեղ //Menu -> Services -> Beeline -> Beeline -> Zvarchanq -> Astghagushak//: Առանց ինձ զգուշացման, որ ծառայությունն վճարովի է ինձ բաժանորդագրել են:

Այն մասին, որ ծառայությունն վճարովի է ... ես նույնիսկ չեմ տեղեկացվել հաղորդագրությամբ, նույնիսկ ծառայություն մատուցելուց հետո:

Ծառայության վճարովի լինելու մասին, եվ ինչ այն արժե ես տեղեկացվել եմ միայն 3 օր անց, իմ իսկ կամքով զանգերի վերծանում պահանջելուց հետո:

Պատիվ ունեմ ձեզ տեղեկացնելու, որ դուք եվ ծառայություն առաջարկող 3րդ կազմակերպությունը, ում հետ դուք համագործակցում եք, սրանով խախտում եմ ՍՊԱՌՈՂՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՄԱՍԻՆ ՀՀ Օրենքի /Ընդունված 2001 թվականի հունիսի 26-ին/ մի քանի հոդվածներ.

Ահա նրանցից մի քանիսն՝

ա/
Գ Լ ՈՒ Խ III
ՍՊԱՌՈՂՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅՈՒՆՆ ԱՇԽԱՏԱՆՔՆԵՐԻ ԿԱՏԱՐՄԱՆ (ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ) ԴԵՊՔՈՒՄ

Հոդված 35. ԿԱՏԱՐՎԱԾ ԱՇԽԱՏԱՆՔԻ (ՄԱՏՈՒՑՎԱԾ ԾԱՌԱՅՈՒԹՅԱՆ) ՀԱՄԱՐ ՀԱՇՎԱՐԿՆԵՐԻ ԿԱՐԳԸ
Հոդված 9. ՍՊԱՌՈՂԻ ԻՐԱՎՈՒՆՔՆ ԱՐՏԱԴՐՈՂԻ (ԿԱՏԱՐՈՂԻ, ՎԱՃԱՌՈՂԻ) և ԱՊՐԱՆՔՆԵՐԻ (ԱՇԽԱՏԱՆՔՆԵՐԻ, ԾԱՌԱՅՈՒԹՅՈՒՆՆԵՐԻ) ՄԱՍԻՆ ՏԵՂԵԿԱՏՎՈՒԹՅՈՒՆ ՍՏԱՆԱԼՈՒ ՎԵՐԱԲԵՐՅԱԼ

--------
Ինչպես նաեւ .

Արտադրողը (կատարողը, վաճառողը) պարտավոր է սպառողին ժամանակին տրամադրել ապրանքների (աշխատանքների, ծառայությունների) վերաբերյալ անհրաժեշտ ստույգ տեղեկատվություն, որն ապահովում է ճիշտ ընտրության հնարավորությունը։

Տեղեկատվությունը պետք է պարունակի ապրանքների (աշխատանքների, ծառայությունների) հիմնական սպառողական հատկությունները, իսկ սննդամթերքի համար` տեղեկություններ բաղադրության, կշռի և ծավալի, կալորիականության, դրանցում նորմատիվ փաստաթղթերի պարտադիր պահանջներով կանոնակարգվող առողջության համար վտանգավոր նյութերի պարունակության մասին,
ինչպես նաև հիվանդությունների առանձին տեսակների դեպքում կիրառման հակացուցումներ, ԱՊՐԱՆՔՆԵՐԻ (ԱՇԽԱՏԱՆՔՆԵՐԻ, ԾԱՌԱՅՈՒԹՅՈՒՆԵՐԻ) ԳԻՆԸ ԵՎ ՁԵՌՔԲԵՐՄԱՆ ՊԱՅՄԱՆՆԵՐԸ, երաշխիքային ժամկետը, ապրանքների (աշխատանքների, ծառայությունների) արդյունավետ և անվտանգ օգտագործման կանոնները և պայմանները, ապրանքների (աշխատանքների, ծառայությունների) սահմանված ծառայության կամ պիտանիության ժամկետը, ինչպես նաև նշված ժամկետների ավարտից հետո սպառողի անհրաժեշտ գործողությունների և այդպիսի գործողությունների չկատարման դեպքում` հնարավոր հետևանքների մասին տեղեկությունների, եթե ապրանքները (աշխատանքները) նշված ժամկետների ավարտից հետո վտանգ են ներկայացնում սպառողի կյանքին, առողջությանը և գույքին կամ իր նշանակությամբ օգտագործման համար դառնում են ոչ պիտանի և վերջապես արտադրողի (կատարողի, վաճառողի) գտնվելու վայրը, այն կազմակերպության գտնվելու վայրը, որը լիազորված է արտադրողի (վաճառողի) կողմից սպառողներից բողոքներ ընդունելու և ապրանքը նորոգելու և տեխնիկական սպասարկում իրականացնելու համար։

Ոչ պատշաճ տեղեկատվության տրամադրելու պատճառով ձեռք բերված ծառայությունը համարվում է աննպատակային եվ օգտագործման հնարավորությունից զուրկ:

Ուստի խնդրում եմ՝

1. պարզել թե ինչու բաժանորդը չի տեղեկացվում թե ինչից է նա օգտվում՝ վճարովի, թե անվճար ծառայությունից.
2. որպես սպառող պահանջում եմ

լուծել պայմանագիրը

և վնասների լրիվ հատուցում՝ վերադարձնել ինձնից գանձված գումարները.
3. փոխհատուցել ձեր սպասարկման բաժնի կողմից ինձնից գանձված 300 դրամն՝ զանգերի վերծանման նպատակով.
4. ձեր իսկ անձնակազմին տեղեկացնել այդ ծառայության մասին, որպեսզի բաժանորդն անիմաստ ժամանակ չվատնի պարզաբանումների վրա
5. ներողություն խնդրել, որպես պատճառված բարոյական վնասի փոխհատուցում.

Նամակի մի քանի օրինակներ ուղարկում եմ՝
Հայաստանի սպառողների ազգային ասոցիացիայի և Հայաստանի սպառողների ազգային ակադեմիայի նախագահ՝ Մելիտա Հակոբյանին
«Սպառողների իրավունքների պաշտպանություն» հասարակական կազմակերպության՝ նախագահ Աբգար Եղոյանին
«Առավոտ» թերթի խմբագրություն
«Ազգ» թերթի խմբագրություն

Հ.Գ. Սիմ-մենյու ծառայությունը նոր ծառայություն է, եվ ակտիվ է միայն նոր քարտերում: Սա ես կրկնում եմ Վարդանանցի վրա գտնվող բաժանորդների սպասարկման սրահի մենեջերի խոսքերն:

Իմ քարտս Easy կանխավճարային քարտ է՝ գնել եմ 2 ամիս առաջ: Օրինակի համար կնոջս քարտում, որն վերցրել ենք մի քանի տարի առաջ - նման ծառայության անգամ հեռակա նշույլը չկա:

Հ.Հ.Գ.
Նամակ-դիմումս առավել համառոտ, բայց արդեն պատմողական տոնով զետեղել եմ այստեղ:

Ստորագրություն՝
Դավիթ Կ.Դ.

david [շնիկ] health.am


Ներկա պահին ստացվել է 11 մեկնաբանություն

  1. Մտահոգ

    Մի դեպք էլ ինձ հետ… դարձյալ բիլայնի պահով:

    Ուրեմն, խոսել եմ ընդամենը 2500 դրամի, մեկ էլ ամսվա վերջում պարզվում է, որ պետք է մուծեմ 7500: Գնում եմ բիլայինի գրասենյակ: Ինձ ասում են մի բան, որ հաստատ չի եղել. իբր թե ես ակտիվացրել-ապաակտիվացրել եմ “Թաքնված համար” ծառայությունը:
    Հակաճառում եմ, որ նման բան չի եղել: Ասում են՝ դիմում գրի: Գրեցի: Մի քանի օրից հանդիպում եմ ու հարցնում, թե՝ ի՞նչ խաբար կա: Պատասխանում են, թե՝ կներեք, արդեն մուտք է եղել համակարգիչ, ծրագիր, ու Ձեզ օգնել չենք կարող:
    Մի կողմից խաբված եմ զգում, մյուս կողմից էլ մտածում եմ՝ արժե՞ 5000 դրամի համար դիմել դատարան: Մյուս կողմից էլ՝ պատկերացնում եք, թե քանի հոգի իմ նման թամբալ կա…

  2. David

    Մյուս կողմից էլ՝ պատկերացնում եք, թե քանի հոգի իմ նման թամբալ կա…

    Երբ այսօր զանգեցի «Մոբայլ-Չգիտեմ ինչ» կազմակերպություն, որը ռուսական կազմակերպություն է, իսկ հայաստանում նրանց շահերն ներկայացնում է ՆետՍոֆտ պրովայդերական կազմակերպությունը, ինչ ասեցին, որ այս ծառայությունը տրամադրվում է արդեն մեկ տարի:

    Քանի որ NetSoft Ltd.-ի ադմինը ինձ ծանոթ դուրս եկավ, հարցրեցի արդյո՞ք նման դեպքեր եղել են: Պատասխանեց՝ ոչ:

    Պատկերացնում եք, քանի-քանի նոր բաժանորդներ են էշ էշ տարել փողերն մուծվել, եվ ոչ մեկ նույնիսկ չի էլ զանգել:

    Պատասխանում ենթե՝ կներեքարդեն մուտք է եղել 
    համակարգիչ
    ծրագիրու Ձեզ օգնել չենք կարող:

    Գիտեք ինձ ինչ՞ պատասխանեց Վարդանանց փողոցի սպասարկման սրահի մենեջերն…

    - Եթե ուզում եք բողոքել, ապա բողոքեք, բայց ես այսքան ժամանակ է աշխատում եմ, եվ մինչեւ հիմա չեմ տեսել, որ որեւէ մի նման բողոք բավարարվի:

    Եվս մեկ բան. Եթե նկատել եք Բիլայնը վերջերս հիմնականում շուկայում բավականին ակտիվ է խախում՝ նոր պլաններ, ավելի մատչելի առաջարկներ, բայց ....եթե նկատել եք, բոլորին առաջարկվում է այդ նոր պլանի համար նոր համար վերցնել: Հին համարներն/ավելի ճիշտ քարտերն/ կամած-կամած դուրս են մղվում շուկայից, քանի որ նոր պլաններն միայն նոր քարտերի համար են:

    Իսկ ինչպես արդեն հասկացաք իմ վերոհիշյալ հոդվածից, նոր քարտերն զինված են ՍԻՄ-ՄԵՆՅՈՒ-ով, որն էլ հնարավորություն է տալիս ... գրպանել նոր-նոր գումարներ միամիտ բաժանորդներից:

    Միգուցե սա է հենց այս մարկետինգային հնարքի պատճառն՝ նոր պլանին անցնել միայն նոր համարներով:

  3. Jojoba

    Մի կողմից խաբված եմ զգում, մյուս կողմից էլ մտածում եմ՝ արժե՞ 5000 դրամի համար դիմել դատարան: Մյուս կողմից էլ՝ պատկերացնում եք, թե քանի հոգի իմ նման թամբալ կա…

    Հարցն միայն թամբալության մեջ չէ, այլ նաեւ նրանում, որ Հայաստանում փաստաբաններն /որոնց մասին ես արդեն մի քանի անգամ հիշատակել եմ/ չեն սիրում զբաղվել ոչ փողոտ գործերով.

    Այ, եթե գնաս ասես, որ 500-1000 ԱՄՆ դոլար ես պատրաստ վճարել, ապա միգուցե եւ որոշեն իրենց ծանր 5րդ կետն բարձրացնել աթոռից, իսկ հակառակ դեպքում դու էլ, քո պատմությունն էլ դառնում եք նրանց համար անհետաքրքիր.

    Բայց դե 5000 դրամի համար 500 դոլար չես վճարի, իսկ բարոյական վնասի գնահատման սանդղակ չկա մեր մոտ, հետեւաբար չես կարող ասենք Բիլայնից պահնաջել բարոյական վնասի փոխհատուցում. /որ գոնե դրանով կարողանաիր փոխհատուցել փաստաբանի ծախսերն/.

  4. David

    Լսեք տպավորություն է, որ Բիլայնում միայն դպրոցականներ են աշխատում, հակառակ դեպքում գոնե մի քիչ ավելի լավ արդարացում կարելի կլիներ մոգոնել:

    Քիչ առաջ ինձ զանգում է մեկ աղջնակ եվ ներկայանում է Բիլայնի աշխատակից:

    Պնդում էոր իմ ուղարկված նամակս /unicode codding UTF8
    չի բացվումմիայն ընթեռնելի է իմ հեռախոսահամարն:

    Հարցնում եմիսկ միթե չբացվեց attach արված *.txt file in unicode:

    Պատասխանում է ոչ ... մեր մոտ չի բացվում unicode-ով տեքսը:

    Լավ նամակում կար նաեւ հղում եվ գրվախ էրոր նամակը դրված է օնլայն առցանց-ում:

    Պատասխան՝ մեր մոտ օնլայն վերսիան էլ չի բացումինչ որ հերոգլիֆներ են:

    -
    Այսքանից հետո կարելի է քահ-քահ ծիծաղել, քանի որ նույնիսկ դպրոցում դաս չսովորած լինելու դեպքում, ես ավելի լավ պատճառ է բռնում, քանց 10 րոպե առաջ իմ լսած մեկնաբանությունն էր:

    Պատկերացնում եք Բիլայնի կայքն ունի հայկական տարբերակ եվ այն էլ unicode-ով, իսկ իրենց աշխատողն չունի այդ կոդավորումով բրաուզեր, որպեսզի դիտի:

    Լավ կատակ էր՜

    Հ.Գ. Պրոբլեմի մասին տեղեկանալուց հետո ինձ ասվեց, որ քիչ հետո ինձ կզանգի ՍԻՄ-մենյու-ից հասկացող մարդ:

  5. F5-admin

    Մեկ այլ հարց է բիլայն-ի համակարգչային ցանցը:

    Վարձավճարները սովորաբար կատարում եմ ավտոմատ ապարատից: Գործի բերումով էլ՝ մեկ-մեկ անմիջապես իրենց օպերատորների միջոցով, սովորաբար, երեկոյան 5-6-ի կողմերը: Ու դեռ չի եղել մի դեպք, որ գամ, ու վճարման ընթացքում իրենց ցանցը չկախվի:

  6. Jojoba

    Եթե ես ճիշտ եմ հասկանում հարգելի ադմին, ստեղ խոսակցությունը գնում է ուղղակի խաբեության մասին, եվ ոչ թե այն մասին, թե ինչպիսին է Բիլայնի վճարային համակարգը.

    Իսկ այն մասին, որ աշխատակիցների պատրաստման որակն թույլ է տալիս ցանկանալ ավելին, դա արդեն երեւի մեկ ուրիշ թեմա է.

  7. Jojoba

    Գիտե՞ք նոր մտքովս ինչ անցավ.

    Ես պատրաստվում էի դպրոցական երեխայիս համար հեռախոսահամար վերցնել, հեռախոս գնել եվ քանի որ ընտանիքում մենք էլ բոլորս Բիլայնի բաժանորդ ենք, ապա ... բնականաբար ենթադրվում էր, որ երեխաներիս էլ համար վերցնեմ բիլայնից.

    Բայց հիմա մտածում եմ, եթե ես գնեմ հեռախոս, ապա հաստատ նոր համար չեմ գնի, ինչքան էլ տարբեր «խաբեություններով» ու հնարքներով մեզ ուղղորդում են դեպի նոր համար վերցնելու պրոցեսին / ինչի մասին արդեն խոսվել է այստեղ - ավելի մատչելի պայմաններով պլաների միայն հասանելի են նոր քարտ գնելու դեպքում/, ապա կամ.

    ա/ իմ հին համարս պետք է տամ երեխայիս
    բ/ կամ կվերցնեմ ոչ բիլայնից

    Ինչու ՞

    Քանի որ ես չեմ կարող երեխայիս ստիպել չօգտագործել ինչ-ինչ ծառայություններ, որոնք համարվում են իր հեռախոսի մենյույի բաղադրիչ մասը.

    Այսօր ինքս իմ աշխատակիցներից մեկի հեռախոսը վերցրեցի եվ ապշել էի.

    Ինչ ապուշություն, ինչ խաբեություն.
    Չես հասցնում click անել բաժնի վրա, եվ դու թակարդում ես.

    Պատկերացնում եք ես հերթով click արեցի առաջին երկու կենդանակերպի նշանների վրա եվ մի քանի րոպե հետո միանգամից ստացանք 2 թե 3 SMS.

    Պարզվեց, որ իմ աշխատակիցը իմ թեթեւ ձեռքով բաժանորդագրվեց 2 աստղագուշակի. Բնականաբար ես կփոխհատուցեն վաղը նրան այդ գումարը, բայց նման խաբեություն ես կյանքումս մի քանի անգամ էլ եմ հանդիպել, բայց շատ վաղուց.

    1. Մի 13-16 տարի առաջ Մոսկվայում ապրելու տարիներին մեր օֆիսը գտնվում էր Մոսկվայի կենտրոնում տեղակայված ՈՒկրաինա հյուրանոցում. Մի օր աշխատանիք գալուց ներկա եմ դառնում «փիս հայկական ակցենտով» մի վիճաբանության.

    Պարզվեց, որ Մոսկվայում Ոսկերչական ցուցահանդես պետք է լիներ, երբ ժամանել էին նաեւ երեվանի ոսկերչական գործարանի ներկայացուցչությունը.

    «ՈՒկրաինա» հյուրանոցն բավականին թանկ հյուրանոց էր համարվում, իսկ այդ տարիներին հյուրանոցներն սկսել էին մեկը մյուսի հետ մրցակցել իրենց հատկացված ծառայություններով.

    Հիմա ինչումն էր վեճի իրողությունը.

    Ամեն մի սենյակում տեղադրված էին հեռուստացույց, որով ընդունված բոլոր ալիքների հետ համատեղ ցուցադրում էին նաեւ պոռնո-էրոտիկ ֆիլմեր.

    Բայց…

    Եթե «մոսկվայի հյուրն» ընկնում էր այդ ալիքի վրա /իսկ դա այնքան էլ դժվար պրոցես չէր, քանի որ էրոտիկ ալիքն լինում էր 1-ից մինչու 10րդ ալիքների շարքում/, ապա նրան թույլ էր տրվում դիտել 45 վայրկյան, ապա էկրանի վրա հայտնվում էր մի գրություն մոտավորապես այս տեքստով.

    «Խնդրում ենք փոխեք ալիքն, այլապես ալիքն դիտելու համար դուք ստիպված կլինեք վճարել դիտման ամեն մի ժամի համար ## գումար».

    Մեր հայ ոսկերիչն բնականաբար չէր փոխել, որի հետեւանքում էլ սենյակները հանձնելու նրանից պահանջվում էր վճարել այդ գումարն.

    Խաբեության մաս իհարկե առկա է, բայց նախ դա «վայրենի կապիտալիզմի» անցման ժամանակաշրջանում էր, երկրորդ մարդում զգուշացրել էին, եվ երրորդ
    Մոսկվա ժամանաց հյուրին խաբելն միշտ էլ համարվել է «սուրբ աշխատանք».

    --------------

    եվ երկրորդ նման դեպքի հետ կարելի է էլ հանդիպել հյուրանոցներում կամ գնացքի ՎԻՊ կուպեներում, որտեղ տեղադրված էր լինում սառնարան.

    Սառնարանն միշտ լեֆ լեցուն է լինում՝ հյութեր, ջրեղեն եվ ալկոհոլային խմիչքներ. Օգտվել կարող եք, բայց հազվադեպ է, որ սա ձրի է. Ավելի հաճախ սա արժե գումար, եվ սովորաբար մի քանի անգամ ավելի թանկ քան դիմացի խանութում.

    ---
    Բայց կրկնում եմ, սա տուրիսի վրա «աշխատող բիզնեսներ» են, որն երբեք ժամանակ չունի պարզելու, հաստատելու ճիշտ ու սխալն, էլ չեմ ասում, որ հետադարձ տոմսից զրկվելու վտանգն ... նրա կարող է ստիպել վճարել վերջին կոպեկն էլ, մենակ չմնա օտար երկրում.

    Հիմա մենք էլ մեր երկրում տուրիստի կարգավիճակով ենք, որ օտար կազմակերպությունը կարող է դնել ու ափաշքյարա մեզ խաբի.

    Այլ կերպ, քանց խաբեություն սա կոչել չի կարելի.

    Մեզ տեղն է ...

  8. Democrat

    Ես պատրաստվում էի դպրոցական երեխայիս համար հեռախոսահամար վերցնել, հեռախոս գնել եվ քանի որ ընտանիքում մենք էլ բոլորս Բիլայնի բաժանորդ ենք, ապա ... բնականաբար ենթադրվում էր, որ երեխաներիս էլ համար վերցնեմ բիլայնից.

    Ամենահեշտ տարբերակը հուշեմ. մի ակտիվացրու համարի GPRS-ը. դժվար թե երեխադ ինքն ակտիվացնի, առավել եւս, եթե զգուշացնես դրա մասին: Ինտերնետն աշխատում է միմիայն ակտիվացված GPRS ծառայության դեպքում:

  9. David

    Democrat, դու երեվի լավ չես հասկանում ինչի մասին է խոսքն:

    Սիմ Մենյու կոչվածի աշխատանքի համար չի պահանջվում ոչ ինտերնետ, ոչ էլ GPRS:

    Այն դրված է բոլոր քարտերի վրա ի սկզբանե:

  10. David

    Հիմա մենք էլ մեր երկրում տուրիստի կարգավիճակով ենք, որ օտար կազմակերպությունը կարող է դնել ու ափաշքյարա մեզ խաբի.

    Իրականում դիպուկ էր ասված:
    Ինձ իմիջայլոց զանգեց մի տղա, ով միայն ներկայանալով որ բիլայնից է մոտ 20 րոպե ինձ բացատրում էր, թե ինչպես է աշխատում Սիմ Մենյուն, որ հեռախոսների վրա, ինչ ծառայություններ է ներառում ...  մոտ 20 րոպե, եվ շատ էր զայրանում երբ ես նրան ընդհատում էի խոսքերով, «Կարիք չկա մի մարդու, ով արդեն օգտվել է այդ ծառայությունից բացատրել Սիմ Մենյու ծառայության առավելությունների մասին»:

    Պատկերացնում եք, որ մի մարդու, ով օգտվել է այդ ծառայությունից եվ իրեն խաբված է համարում, զագնում են այդ ծառայությունից, եվ բացատրում թե ինչքան լավ ծառայություն է այն, եվ որ հեռախոսներն միայն չեն կարող օգտվել այս ծառայությունից.

    Առնվազն ծիծաղելի էր: Մոտ 20 րոպե նրան լսելուց հետո ես հարցրեցի «Իսկ դուք որ բաժնից եք»: Ինձ պատասխանեցին, որ նա այս ծառայության պատասխանատուներից է: Անուն ազգանունը չնշվեց, ասվեց, որ իրավաբան չէ եվ հետեւաբար չգիտե, թե իրենք խախտում են օրենքը, թե ոչ: Իր խոսքերից ես հասկացա, որ տեխնիկական աշխատող է:

    Այսքանից հետո կարող եմ միայն ենթադրել, որ սա միակ մարդն էր Բիլայնում, ով տեղյակ է այդ ծառայությունից եվ գիտե, թե ինչպես է այն աշխատում:

    ՊԱՏՐԱՍՏ ԵՄ ԳՐԱԶ ԳԱԼ ՑԱՆԿԱՑԱԾ ՄԱՐԴՈՒ ՀԵՏ

    Մտնում ենք Բիլայնի սպասարկման ցանկացած սրահ, եթե աշխատողների 5-ից 3ը գոնե տիրապետեն Սիմ Մենյու ծառայության մասին ինֆորմացիային, ապա ես պատրաստ եմ վճարել 100 ԱՄՆ դոլլար:

    Նկատի չունեմ, որ լսած լինեն, այլ իմանան ինչպես միանալ եվ ինչպես նրանից օգտագործման կարգը.

    ԿՐԿՆՈՒՄ ԵՄ՝
    Այս 3-5 օրերի ընթացքում խոսել եմ բիլայնի առնվազն 5-7 տարբեր ռանգի աշխատակիցների հետ, միակ մարդը ով գիտեր թե ինչպես է այն աշխատում ինձ զանգահարած մոտ 20-25 տարեկան երիտասարդն էր:

  11. David

    Մոտ մեկ ամիս ուշացումով /ուշադրություն դարձրեք 1 աՄԻՍ, ի տարբերություն ՌՖ-ում բոլոր պետական մարմիններն պարտավոր են գրավոր պատասխանել ոչ ավել քանց 2 շաբաթվա ընթացքում/ եկավ պատասխան նամակ, բայց ոչ ինձ հասցեագրված, այլ «Սպառողների իրավունքների պաշպանություն» ՀԿ-ի նախագահ պրն. Ա.Եղոյանին

    բլա-բլա-բլա
    Հայտնում ենք, որ Սիմ-Մենյու ծառայության սակագների մասին ինֆորմացիան տեղակայված է մեր պաշտոնական կայքում, ինֆրոմացիոն-գովազդային նյութերում, ինչպես նաեւ հասանելի է շուրջօրյա գործող 0611 հեռախոսահամարով:

    Ելնելով վերը նշվածից եվ բացառելով տվյալ պարագայում հաճախորդների իրավունքների խախտման փաստը, տեղեկացնում ենք, որ ուղարկված հաղորդագրություն համար գանձված *** դրամ գումարը ենթակա չէ վերահաշվարկի:

    Սակայն «Արմենթել» փբը հաշվի առնելով բաժանորդի դիմումը եվ նշված հանգամանքները բացառության կարգով զիջում է տվյալ հաղորդագրությունների համար գանձված գումարը:

    Միշտ պատրաստ ենք տրամադրել անհրաժեշտ պարզաբանումներ կապի վերաբերյալ Ձեզ հետաքրքրող հարցերին:

    Հարգանքներով

    Բ. Մովսիսյան
    Հաճախորդների սպասարկման ծառայության ղեկավար.

    -----------
    Առայժմ միայն 2 փաստում
    1. նախ շնորհակալություն պարոն Եղոյանին իր կատարված աշխատանքի համար: Հարկ եմ համարում նշել, որ ի տարբերություն մնացած «Սպառողական» ՀԿ-ների մարդիկ աշխատում են, եվ արդարացնում են իրենց ՀԿ-ի անվանումն:

    Ի դեմ մի քանի օր անց զանգահարեց այս կազմակերպության մի աշխատակից եւ ճշտեց . «Արդյոք գումարն ստացված է, եւ կա՞ արդյոք կարիք շարունակել սբաղվել մեր հայցով»:

    Շնորհակալություն
    2. Տպավորություն է ստեղծվում, որ նամակ կազմողն ինքն նույնպես տեղեկացված չէ այս ծառայության մասին - SIM-մենյու:

    Կրկնում եմ իմ հեռախոսից ոչ մի հաղորդագրություն չի ուղարկվել եվ կարիք չկա եւս մեկ անգամ կրկնել այս ապատեղեկատվությունը:

    Ինչ վերաբերում է «Զիջում է» արտահայտությանը, ապա սրա մասին մի քիչ ավելի ուշ:

Ձեր մեկնաբանությունը գրեք այստեղ

Մեկնաբանել կարող են F5 բլոգում գրանցված եւ համակարգ մուտք գործած անդամները


blog stats     Portal.am Top100   Armenian Top Web Sites Statistics & Rating           F5 Blog - Your Fresh Ideas Online!
trans Open Directory Project at dmoz.org