Արդեն 2րդ օրն է, որ TV-ով թմբկահարում են Սերժ Սարգսյանի՝ 5րդ մասիվում բնակչության հետ հանդիպումը: Էկրանից այս ամենը շատ հաջող է երեւում՝ ծափահարություններ, “Առաջ Հայաստան” բացականչություններ, ամբիոնում կանգնած մարդու՝ իրեն ոչ հատուկ փիլիսոփայական եզրահանգումներ եւ այլն…
Ցանկանո՞ւմ եք տեղեկանալ իրականությանը: Խնդրեմ:
Հանդիպումը երեւի պետք է տեղի ունենար 13:00-ի կողմերը: Դրսից լսեցի երեխաների ձայներ՝ կլիներ 12:30-ի կողմերը: Նայում եմ դուրս (ինքս ապրում եմ Նոր Նորքի 3-րդ մասիվում), մեկ էլ տեսնեմ, մեր կողքի դպրոցի երեխաները (մեծերն էին կարծես՝ երեւի 8-10 դասարանցիք), դասարան առ դասարան, իրենց ուսուցիչների ուղեկցությամբ քայլում են դեպի… էլ ո՞ւր, եթե Հանրապետականներն իրենց նախագահի գլխավորությամբ եկել-հասել են մասիվ, մասիվի դպրոցները քանի՞գլխանի են, որ շարունակեն իրենց դասերը…
Ավելի ուշ մեր հարեւանուհուց, ով աշխատում է մեր շենքի կողքի մանկապարտեզում, տեղեկացա, որ, թաղապետարանից հրահանգվել է, ու իրենք էլ մի մարդու պես այցելել են թեկնածուի հետ հանդիպման վայր: Չգնալ չէին կարող՝ ներկա-բացակա պիտի արվեր հենց այնտեղ:
Դե հիմա մի քիչ հաշվարկ անենք՝ բազմապատկեք մասիվի մենկապարտեզների ու դպրոցների թիվը՝ յուրաքանչյուր հինարկից ներկա ստացածների թվով + թաղապետարան + այլ հիմնարկներ, եւ կտեսնեք, որ այս հանդիպմանը շատ քիչ մարդ էր եկել՝ իր սեփական կամքով եւ ցանկությամբ:
Հիմա խնդրում եմ ինձ ասեք՝ Սերժ Սարգսյանի հետ հանդիպումը հունվարի 25-ին, ուրբաթ օրով, արդյո՞ք համազգային տոն է, որ դադարեցնում են դասերը, մանկապարտեզի աշխատանքները, բոլոր հիմնարկների գործերը ու պաստառներով-դրոշակներով, “Առաջ Հայաստան” երգելով գնում դեպի հանդիպման վայր:
Հանդիպումը տեղի էր ունենում եկեղեցու հարեւանությամբ՝ այդ Եկեղեցին թող վկա լինի իմ խոսքերի ճշմարտությանը…
Հետգրություն՝ ո՞ւմ եմ ընտրելու ես - հաստատ ՈՉ Սերժին, ՈՉ Գեղամյանին, ՈՉ էլ մի հոգի կա, մորուքով, որ իր տնից մենակ ընտրություններից առաջ է դուրս գալիս: ԿԱՄ Լեւոնին, ԿԱՄ Վահանին, ԿԱՄ էլ Արթուրին… տեսնենք…
Ներկա պահին ստացվել է 7 մեկնաբանություն
Ձեր մեկնաբանությունը գրեք այստեղ
Մեկնաբանել կարող են F5 բլոգում գրանցված եւ համակարգ մուտք գործած անդամները
Մինչեւ Bloger-ը կմտածի Ձեր հարցի շուրջը, փորձեմ իմ տեսակետը ներկայացնել Ձեզ:
ՀՅԴ-ին ինքս համարում եմ շատ կայուն եւ հզոր կուսակցություն: Ավելի ճիշտ, ոչ թե հզոր կուսակցություն է, այլ կուսակցություն՝ ի հակադրություն մյուս իրենղ կուսակցություն համարող խմբավորումների, որոնք ոչ ինքնուրույն առաքելություն ունեն, ոչ էլ տեսակետ: Օրինակ՝ նույն Բարգավաճ-ը, դրա ի՞նչն է կուսակցություն, Գագիկի փողերը պրծնեն, կամ էլ Գագիկի հավեսը կորավ, կուսակցությունը որպես այդպիսին մի քանի ժամվա ընթացքում կվերանա: Հանրապետականը կուսակցություն էր, սակայն Սերժի օրոք աստիճանաբար դառնում է իշխանավորների կլուբ (face-control-ով. որքան մարդու աչքերի արտահայտությունը բութ է, այդքան շանսերը մեծ են, որ կընդունվի այս ակումբում):
Լավ, վերադառնամ Դաշնակցությանը: Դաշնակցությանը ընդդիմադիր չեմ կարող համարել, քանի որ իրենց ընդդիմադիրությունը կարծես թե իր խորը քնից արթնանում է միայն ընտրություններից առաջ: Ընտրությունների ընթացքում լինում են պայմանավորվածություններ (որոնց սկսել են վերջերս անվանել “քաղաքական կոնսուլտացիաներ”, թեեւ ավելի դիպուկ կլիներ կոչել “սակարկություններ պաշտոնների վերաբերյալ"), եւ կարծես թե մինչեւ հիմա դաշնակցությունը կարողանում է որոշ տեղեր “պոկել”: Թող Ռոբերտն ու Սերժը փորձեն կպնել այդ պաշտոններին, Դաշնակցությունը միանգամից, 1 օրվա մեջ կդառնա արմատական ընդդիմություն: Իսկ սա նշանակում է, որ դաշնակներն ավելի շատ մտահոգված են իրենց պաշտոններով, քան թե երկրի վիճակով:
Առայժմ այսքանը:
27-01-08 • 00:30 AM>>>ԿԱՄ Լեւոնին, ԿԱՄ Վահանին, ԿԱՄ էլ Արթուրին… տեսնենք…
Բլոգեր, ես քեզ չեմ ճանաչում, բայց եթե Արթուրին ընտրես, ես .... առնվազն էլ չեմ մտնի այս սայթ
28-01-08 • 20:21 PMՄի հարց. ես իմ ձայնը տալիս եմ Սերժին, ո՞ւմ դիմել, որ նորմալ փող տան…
28-01-08 • 20:27 PMՀարգելի ադմին խնդրում եմ օգնի, կյանք տեսաս տղա ես երեվում:
Իհարկե, հարցդ ընդունեցի որպես կատակ…
Սակայն, իրականում, իրենք լավ գիտեն, թե ում փող տան: Աստված չանի, որ ընկնես այդ ցուցակում (հեռու բոլորիցս)… որովհետեւ նրանք սովորաբար փող են առաջարկում անողնաշարավոր, թույլ եւ որպես մարդ արարած չհաստատված “անդեմ” դեմքերի:
Կոպիտ է հնչում, բայց թե փաստը մնում է փաստ
29-01-08 • 13:00 PMՓողին մուննաթ, շատ տան… պրոբլեմ չկա.. տենց կդառնանք ժամանակավորապես:
Իսկ ո՞ւմ դիմել
շատ իզուր, սրոչնի փող է պետք, ռեմոնտի մեջ տղա եմ:
29-01-08 • 22:10 PMԴե ասա բախտներս բերել է, որ վերջին մերսեդեսներից չեք ուզում գնել
29-01-08 • 23:54 PMՀարգելի A.S., Դաշնակցությանը ես համարում եմ ոչ թե ընդդիմություն, այլ այլընտրանք: Ինչ վերաբերվում է Հայաստանի պատմությանը, դուք պարզապես կրկնում եք այն, ինչի մասին սիրում են փիլիսոփայել պատմություն լավ չիմացող դեմագոգները:
Տասնամյակներ անց շատ հեշտ է գտնել սխալներ ու քննադատել: Մի մոռացեք, որ Առաջին եւ Երկրորդ Հանրապետությունների ժամանակաշրջանում հայ պետական այրիները չէին կարող ամեն ինչը տեսնել եւ գնահատել 2008-ի հեռուներից: Գուցե եւ սխալներ գործել են, սակայն սա առիթ չի տալիս ոչ ինձ, ոչ Ձեզ, ոչ էլ մեկնումեկին մի ամբողջ կուսակցության անվանել դավաճաններ ու երկիր ծախողներ:
Դուք հարցնում եք, թե արդյոք ես Վահանին համարում եմ ընդդիմադիր: Եթե ընդդիմադիր չէ, դա դեռ չի նշանակում, որ վատն է, ու պիտի արժանանա համընդհանուր մերժման: Եվ մի փորձեք այն մարդկանց, ում տեսակետը չի համընկնում Ձերինի հետ, անուններ կպցնել: Դուք ունեք Ձեր խոսքը, Վահանն ու իր կուսակցությունն էլ՝ իրենը:
Դավաճանությունից եք խոսում, եկեք չսկսենք թվարկել, թե ով, երբ ու ինչին է դավաճանել: Ամեն հարց չէ, որ “գոռալով” է լուծվում եւ ամեն մի “գոռոց” չէ, որ հարց կարող է լուծել:
Եվ, ընդհանուր առմամբ, խոսքի ազատությունն էլ այն չէ, որ ով ինչ ուզի, կարող է խոսալ: Սա նաեւ խոսքի պատասխանատվություն է պահանջում: Այլապես, ամեն ինչ վերածվում է բազարի չարչիների լեզվակռվի: Եթե չեմ սխալվում, մենք այստեղ լեզվակռվի համար չենք հավաքվել, այդպես չէ, հարգելի F5-admin?
30-01-08 • 03:28 AM