F5-Բլոգ

Տեղի ունեցան տեղական ինքնակառավարման մարմինների ընտրությունները մի շարք համայնքներում:
Տեղի ունեցածից հետո կարելի է համոզված ասել, որ Հայաստանում արդար ընտրություններ մոտ ապագայում, դժվար թե տեսնենք: Եվ իրոք, հերթական անգամ իշխող վարչախումբը, օգտագործելով իր ողջ լծակները` ոստիկանությունը, թաղապետարանների ազդեցությունը բնակիչների վրա, ինչպես նաև` հայաստանյան քրեածին տարրերին, շատ դեպքերում կանգ չառնելով ոչնչի առաջ, իրենց բնորոշ “ախպերավարի” մեթոդներով “նշանակեցին” թաղապետերին:

Առավել ուշադրության էր արժանացել պայքարը Կենտրոն համայնքում, քանի որ այստեղ թաղապետի համար պայքարում գործող թաղապետ Գագիկ Բեգլարյանի մրցակիցը ՀԱԿ-ի ներկայացուցիչ և Կենտրոնի նախկին թաղապետ Արարատ Զուրաբյանն էր: Ամենամտահոգիչն այն է, որ ընտրություններին բավականին քիչ թվով քաղաքացիներ են մասնակցել: Իսկ բնակչության քվեարկություն չկատարելու հետևանքով` տարաբնույթ տեխնոլոգիաներով կատարվող ընտրախախտումների հնարավորությունն ու հավանակությունը մեծանում է: Այսինքն` քաղաքացիների հիմնական մասն արդեն հաշտվել են այն մտքի հետ, որ այս երկրում հնարավոր չէ քաղաքացու ընտրելու իրավունքի ազատ արտահայտումը: Հաշտվել են, որ չեն կարող իրենց երկրի, քաղաքի, համայնքի, փողոցի, շենքի, ղեկավարմանը մասնակցել յուրաքանչյուրն իրեն “հասանելիք” չափով: Եվ սա ամենամեծ ցավն է: Համատարած անտարբերություն է տիրում, ինչ-որ տեղ մարդիկ հիասթափվել են և արդեն շատ քչերին է մտահոգում, թե ինչ է տեղի ունենում իրենց երկրում: Կարելի է ասել, որ կլանային-օլիգարխիկ համակարգը ճիշտ ուղղու վրա է: Մի քիչ էլ… ու Հայաստանի վերջնական “դուքյանացումը” օրերի հարց կլինի:
Ահա, թե ինչ են ցույց տալիս պեղումներս համացանցում.


«Մարտի մեկ» բլոգբաստեր ստեղծողների կողմից

«ՀՀ իշխանություններ» պրոդակշիոնը ներկայացնում է

«Շոթան եզրակացնում է» նոր տրագիկոմեդիան

Իրական մարդկանց եվ դեպքերի նմանության դեպքում, ՀՀ իշխանությունները պատասխանատու չեն իրենց հետագա գործողությունների համար.

Գլխավոր դերերում՝ մի ամբողջ ժողովուրդ

Գլխավոր պրոդյուսեր՝ կստատի հիմա ուր է՞ որ, խաբար չկա՞

Կարծում եմ, որ մենք պարտավոր ենք առնվազն մեկ ագնամ վերջնական հայացք ձգել ՀՀ նախագահի 2008 թվականի «ընտրություններ» կոչվող ֆարսի վրա: Ի՞նչ տեղի ունեցավ նախընտրական ժամանակահատվածում, բուն ընտրության օրը եւ հետընտրական օրերին:

Նախընտրական քարոզչությունը որպես այդպիսին, բոլորդ էլ կարող եք պնդել, որ չիրականացավ: Հակառակը, եղավ այն, որ բոլոր թեկնածուները` 8 անձ, զբաղված էին Հայաստանի առաջին նախագահ Լևոն Տեր-Պետրոսյանի նկատմամբ տարվող հակաքարոզչությամբ: Կարող ենք վստահ աել, որ բոլոր թեկնածունը նպատակ էին դրել ոչ թե հաղթել ընտրություններում, այլ միայն սեւացնել եւ նսեմացնել հանրապետության առաջին նախագահին:

Ցավով պետք է արձանագրել, որ այդ քայլին գնացին ինչպես 1988 թվականի ազգային-ազատագրական պայքարի առաջնորդներից «Ղարաբաղ» կոմիտեի անդամ Վազգեն Մանուկյանը, այնպես էլ Հայ Հեղափոխական Դաշնակցությունը եւ Արթուր Բաղդասարյանը:

Սկսենք ՀՅԴ-ից:

Այս կուսակցության հետ առաջին նախագահ Լևոն Տեր-Պետրոսյանը հանդիպել էր դեռեւս 2007 թվականի սեպտեմբերին եւ պայմանավորվել էր, որ միմյանց վրա «ցեխ չեն շպրտի»: Սակայն ՀՅԴ թեկնածու Վահան Հովհաննիսյանը քարոզչույթան մեկնարկից անմիջապես հետո սկսեց քննադատել «նախկիններին» եւ «ցեխ շպրտել» նրանց վրա: Ընտրություններից հետո ՀՅԴ-ն, որը մինչ այդ խաղում էր «երրորդ ուժի» դեր եւ փորձում էր առանձնանալ հստակ ուրվագծված երկու բեւեռներից, չդիմացավ գայթակղությանը, եւ կրկին մաս կազմեց կոալիցիային:

Արթուր Բաղդասարյանի մասին ոչինչ չարժե ասել, քանի որ նրա դեմքը բացվեց փետրվարի 29-ին, երբ միացավ այն նույն իշխանության թեկնածունին, որին դեռ փետրվարի 3-ին մեղադրել էր իր դեմ մահափորձ կազմակերպելու դեմ: Սա նույն Բաղդասարյանն է, որի մասին հանրապետության առաջին նախագահը փետրվարի 16-ին նախընտրական քարոզչության հանրահավաքի նախավերջին օրը զգուշացրել էր, թե ով ձայն տա նրան, ապա ձայն է տալու Սերժ Սարգսյանին: Փետրվարի 17-ին Ա.Բաղդասարյանը այդ ամենը որակեց որպես «ամոթալի սուտ»: Եվ փետրվարի վերջին օրը բոլորը տեսան ստի պոչը:

Ոստիկանական մեքենան վրաերթի է ենթարկում ցուցարարներից մեկին…

Անմեղ զոհ. մարտի 1-ին նա սխալ ժամին սխալ տեղում էր

Երեկոյան ժամը 7-ի մոտ Գրիգորը զանգահարեց կնոջը՝ Վարդուհուն, ու ասաց, որ ճաշը տաքացնի, քանի որ տուն է գալիս ու շատ քաղցած է:

«Ասեցի` Գոքոր ջան, քո սիրած ոսպով ճաշն եմ եփել, հենց հիմա դնում եմ կրակին»,- պատմում է Գոքորի կինը՝ 27-ամյա Վարդուհին:

Բայց իր սիրած ճաշը Գոքորը մարտի 1-ին այդպես էլ չկերավ:

Կոնդում գտնվող մեկ սենյականոց կիսախոնավ ու աղքատիկ տնից 28-ամյա Գրիգոր Գևորգյանը, որը 6 հոգանոց ընտանիքի միակ կերակրողն էր, դուրս եկավ ժամը 5-ից հետո, իսկ մյուս օրը կինն ու երկու փոքր տղաները ստացան նրա դիակը՝ ճակատին հրազենային վնասվածքով:

«Բենզալցակայանում էր աշխատում, զանգեցին` ասեցին, փող կա, արի ստացի: Մենք էլ հեռուստացույց էինք նայում: Գոքորն ասեց` մարդիկ խաղաղ ցույց են անում, գնամ փողերս ստանամ գամ, ի՞նչ պիտի լինի որ»: 

Двое армянских оппозиционеров задержаны в Грузии и переданы Армении?
Активист офиса SOS-Армения Арнольд Степанян заявил журналистам 14 марта, что двое армянских оппозиционеров - Сурен Сирумян и Самвел Арутюнян, разыскиваемых правоохранительными органами Армении в связи с участием в митингах в Ереване в начале марта, на этой неделе были задержаны правоохранительными органами Грузии и переданы армянским коллегам, - сообщает корреспондент ИА REGNUM.

Оба задержанных на территории Грузии являются представителями Союза добровольцев “Еркрапа”. По словам Арнольда Степаняна, являющегося одновременно главой тбилисской армянской общины, есть информация также о задержании в Грузии еще одного армянского оппозиционера, его имя и фамилия в настоящее время уточняются.

Эксперты Jane’s: Власти Армении могут встать перед фактом еще больших уличных протестов

“Отныне для Запада будет труднее достичь подписания Ереваном какого-либо документа по урегулированию нагорно-карабахского конфликта”. Такой прогноз сделали специалисты исследовательского центра Jane’s, изучив внутриполитическую ситуацию в Армении.

Նոր զանգեցին… Հանրապետության հրապարակն օղակված է ներքին զորքերով, իսկ ավելի ներքեւից՝ Մյասնիկյանի հրապարակի կողմից լսվում են ավտոմատային կրակահերթեր եւ թնդանոթի համազարկեր… Ամենայն հավանականությամբ կրակում են օդ՝ սաստելու հանրահավաքի ժողովրդին: Ամենայն հավանականությամբ, օդ կրակելով մեր ոստիկանները չեն հանդարտվի ու կգա «հատուցման ժամը»՝ «Հիմա՞ էիք ուզւմ, թե հիմա ստացե՛ք...»:

Ցավալի է, բայց փաստ է:

Շնորհավոր նախագահությունդ, պարո՛ն Սարգսյան:

Хаос и паника царят на одной из центральных улиц Еревана у здания посольства Франции

Настоящее противостояние, хаос и паника царят на одной из центральных улиц Еревана у здания посольства Франции, где в настоящий момент проходит стихийная акция протеста армянской оппозиции, поддерживающей первого президента Армении Левона Тер-Петросяна

Լեւոն Տեր-Պետրոսյանի վստահված անձանցից Մհեր Մանուկյանը, ով Ազատության հրապարակում այսօր առավոտյան իրավապահների բռնություններից տուժածներից է, «Ազատություն» ռադիոկայանի հարցին, թե քանի մարդ է տուժել, ասաց, որ ծեծուջարդը «զանգվածային էր»:

«Ով որ կոնտակտի գծում էր, բոլորը տուժել են», - շարունակեց նա: - «Ընդ որում` չխնայելով ընկածներին… Այդպես խփելով, ջարդելով քշեցին ներքեւ: Հետապնդեցին մինչեւ Հանրապետության հրապարակ, հրապարակից էլ անց, նույնիսկ մինչեւ Ձկան խանութ»: 

ՈՍՏԻԿԱՆՆԵՐԸ ՇՐՋԱՊԱՆՏԵԼ ԵՆ «Ա1+» ԼՐԱՏՎԱԿԱՆ ԳՈՐԾԱԿԱԼՈՒԹՅԱՆ ՇԵՆՔԸ
Այս պահին «Ա1+» լրատվական գործակալության շենքը շրջապատված է ոստիկանության կողմից, եւ լրագրողները հնարավորություն չունեն շենքից դուրս գալու եւ ներս մտնելու: Այս մասին «ՆՈՅՅԱՆ ՏԱՊԱՆ»-ին հայտնեցին Լեւոն Տեր-Պետրոսյանի նախընտրական շտաբից:

Քիչ առաջ վերադարձանք Սուրբ Գրիգոր Լուսավորիչ բժշկական կենտրոնից, որտեղ Ազատության հրապարակից տեղափոխել էին 7 վիրավորների:

Կենտրոնի վերակենդանացման բաժանմունքի վարիչ Գագիկ Մանուկյան ՚Ա1+ՙ-ին հայտնեց, հիմա հիվանդանոցում գտնվող 7 վիրավորների վիճակը բավարար է: Նա հայտնեց, որ շտապ օգնության մեքենայով 2 վիրավորների բերել են առավոտյան ժամը 7:40-ին, ապա 2 վիրավոր էլ բերել են 7:45 - ին, ապա 8.05-ին նորից մեկ հիվանդ, իսկ 10:10 րոպե 2 հիվանդ եւս բերել են:

՚Ընդունած հիվանդները բոլորը տղամարդիկ են, մենք անմիջապես տագնապ արեցինք, բժիշկներով խորհրդակցեցինք ու հետազոտումից հետո համապատասխան բաժանմունքներում օգնություն ցույց տվեցինքՙ,-պատմեց բժիշկը: 

ՁԵՐԲԱԿԱԼՎԱԾՆԵՐ

1. Դավիթ Մաթեւոսյան
2. Արմեն Օհանյան
3. Դավիթ Առաքելյան Կենտրոնի ոստիկանություն
4. Վահագն (Վարդգես) Հայոցյան Կենտրոնի ոստիկանություն
5. Արամ Մանուկյան Կենտրոնի ոստիկանություն
6. Մասիս Այվազյան
7. Լեւիկ Խաչատրյան
8. Հրանտ Բագրատյան
9. Գագիկ Շամշյան (լրագրող) Քանաքեռի ոստիկանություն

У здания посольства Франции в Ереване проходит стихийный митинг сторонников Тер-Петросяна
У здания посольства Франции в Ереване проходит стихийный митинг сторонников первого президента Армении Левона Тер-Петросяна. Правоохранительные органы мобилизовали отряды полицейских, улица Григора Лусаворича, где находится диппредставительство и прилегающие к ней улицы, полностью перекрыты.

Այս պահին Գրիգոր Լուսավորիչ փողոցը երկու կողմից փակ է երկու տրոլեյբուսներով: Ցուցարարները ‎ ֆրանսիական դեսպանատան մոտ են բերել Ազատության հրապարակի աղբատար մեքենան, որի մեջ լցված են հրապարակում գիշերողների ներքնակները:

Դրանց վրա արյան հետքեր կան: Գիշերը երկու ծեծվածներներին Ֆրանսիական դեսպանատան մոտից տեղափոխեցին հիվանդանոց: Հիվանդանոցում գտնվող վիրավորներից մեկը հայտնել է, որ գիշերը ծեծվածներին հիվանդանոցում վերաբերվել են արհամարհանքով եւ շատ վատ:

Մարտի 1-ի առավոտյան, մոտավորապես ժամը 7-ի սահմաններում ոստիկանությունը եւ ներքին զորքերը ուժով ցրել են Ազատության հրապարակում արդեն տասներորդ օրը շարունակվող բողոքի ցույցը, որ նախաձեռնել էին նախագահի ընտրության արդյունքը վիճարկող Լեւոն Տեր-Պետրոսյանն ու նրա համախոհները:

Ինչպես տեղեկացնում է «Ռեգնումը», ցույցը ցրելու պահին հրապարակում է եղել առաջին նախագահ Լեւոն Տեր-Պետրոսյանը, ով դրանից քիչ առաջ, ինչպես տեղեկացնում է գործակալությունը, կոչ է արել հրապարակում եղած մի քանի հազար մարդկանց, չմտնել ոստիկանության հետ հակամարտության մեջ:

Ազատության հրապարակի նստացույցը արդեն ապացուցել է, որ Սերժ Սարգսյանը չի ընդունվելու Հայաստանի երիտասարդության կողմից որպես նախագահ: Եվ գուցե հասարակության մյուս շերտերում էլ նրա հանդեպ վերաբերմունքը միանշանակ չէ: Ու, միգուցե, արդեն փաստ է, որ ժողովրդական շարժումը արդեն հաղթել է: Կեցցե՛ ժողովրդական շարժումը:

Մյուս կողմից, Սերժ Սարգսյանը և իր վարչախումը ամեն ինչ արեցին իշխանությունը պահելու ու ամրապնդելու համար: Ժողովուրդը դա տեսավ ու հիսաթափվեց, սակայն դրանից Սերժը չընկճվեց: Ու մի կարճ վայրկյան մտնելով նրա դրության մեջ` հասկանում եմ, որ նա ետ գնալու տարբերակ չունի: Սերժն ու իր հանցախումբը կանգնած են Հայաստանում իրականացվող տնտեսական ու քրեական ամենածանր հանցագործությունների թիկունքում, ու զիջել դիրքերը` կնշանակի դատապարտվել ցմահ բանտարկության: Պայծառ հեռանկար չէ անշուշտ: Ու մի հավելյալ խթան է` գնալու ամեն քայլի իր իշխանությունը պահելու համար:

Ստացվում է մի հակասական պատկեր. ժողովուրդը հաղթել է Լևոնի գլխավորությամբ, Սերժը հաղթել է հանցախմբի գլխավորությամբ: Ռոմանտիզմը ստիպում է վստահորեն գրանցել ժողովրդի հաղթանակը մի երկու շաբաթից կամ ամսից, իսկ դառը իրողության գիտակցումը ստիպում է ընդունել Սերժի ու իր շրջապատի բռնի հաղթանակը:

Այսօր (փետրվարի 27) ժամը 22.15 -ի սահմաններում «Ժառանգություն» խմբակցության պատգամավորները ահազանգ են ստացել, որ երեք երիտասարդներ Ազատության հրապարակից բռնությամբ տեղափոխվել են ոստիկանության Կենտրոնի բաժին:

Խմբակցության պատգամավորները` Ստեփան Սաֆարյանն ու Զարուհի Փոստանջյանը, շտապել են ոստիկանության բաժին, պարզելու երիտասարդներին բերման ենթարկելու հիմքերը: Սկզբում նրանց ներս են թողել, նրանք զրուցել են երիտասարդների հետ, սակայն երբ հարցրել են, թե ինչ է պատրաստվում անել ոստիկանությունը, պատգամավորներին պատասխանել են, որ «Մեհրաբյանը կգա` հետո կորոշենք»: Կենտրոնի ոստիկանապետ Արթուր Մեհրաբյանի բաժին ժամանելուց հետո մոտ 20 հոգանոց խումբ` քաղաքացիական հագուստներով, հարձակվել են պատգամավորների եւ հասարակական կազմակերպությունների ներկայացուցիչների վրա, բռնությամբ, ծեծի ենթարկելով նրանց վռնդել են ոստիկանության շենքից:

Ըստ Ստեփան Սաֆարյանի` Մեհրաբյանն այդպես էլ չի հետաքրքրվել` ովքեր են այդ երիտասարդները եւ ինչ գործ ունեն ոստիկանության շենքում` ակնհայտորեն ցույց տալով, որ գիտի նրանց ով լինելը:

Ոստիկանության երկրորդ հարկից դուրս են շպրտել «Ազատություն» ռադիոկայանի միկրոֆոնը` խոչընդոտելով լրագրողի մասնագիտական գործունեությունը: Դեպքի վայր են հրավիրվել մարդու իրավունքների պաշտպանի գրասենյակի ներկայացուցիչներ, ԵԱՀԿ դիտորդներ:

Մարդու իրավունքների պաշտպանի գրասենյակի աշխատակիցների ներկայությամբ Կենտրոնի ոստիկանությունը հրաժարվել է հայտարարություն վերցնել Ստեփան Սաֆարյանից:

Կենտրոնական ընտրական հանձնաժողովի կայքէջում նախագահի ընտրության ցուցանիշները` ըստ ընտրատեղամասերի, նույն ընտրատեղամասերի արձանագրությունների հետ համեմատելիս ի հայտ են գալիս որոշ «սխալներ», որոնք ստիպում են անվերապահ չլինել ԿԸՀ-ի կայքէջի տվյալների նկատմամբ:

Մանրամասնությունների համար խնդրում ենք այցելել այս էջը:

Հարգելիներս,

Այսօր՝ փետրվարի 26-ին, երեքշաբթի, ժամը 15:00-ին Երեւանում տեղի կունենա միանգամից երկու հանրահավաք:

Առաջինը՝ Ազատության հրապարակում, Լեւոն Տեր-Պետրոսյանի հրավերով: Մասնակցելու են բոլոր նրանք, ովքեր սատարել եւ սատարում են Լեւոն Տեր-Պետրոսյանին: Մասնակցությունը կամավոր է: Սակայն մասնակցողների ճանապարհները առավելագույնս փակվելու են ԳԱԻ-չնիկների կողմից, ինչպես նաեւ մասնակցությունը, մեղմ ասած, «չի խրախուսվելու» մասնակիցների ղեկավարների կողմից:

Երկրորդը՝ Հանրապետության հրապարակում, Սերժ Սարգսյանի հրամանով: Մասնակցելու են բոլոր նրանք, ովքեր սատարել եւ սատարում են Սերժ Սարգսյանին, եւ իհարկե՝ իրեց ղեկավարների հրահանգով եւ ավտոբուսներով հրապարակ «բերման ենթարկված» մայրաքաղաքացիները եւ մոտակա եւ հեռավոր շրջանների բնակչությունը: Մասնակցությունը պարտադիր է:

Այս հանրահավաքը «դիտվելու է» եվրոպացի եւ ԱՄՆ դիվանագետների եւ դիտորդներ, հեռուստաընկերությունների (CNN, BBC, Euronews), լրագրողների եւ տարբեր այլ որոշում կայացնողների կողմից: Ամենակարեւորը, այս հանրահավաքը իրենից ներկայացնելու է ուժերի իրական հարաբերակցությունը Լեւոնի եւ Սերժի միջեւ:

Պատկերավոր ասած՝ այս հանրահավաքը իրենից ներկայացնում է նախագահական ընտրությունների 2-րդ փուլը:

Դիմում եւ Լեւոնին ընտրողներին: (Սերժի ընտրողներին դիմելու կարիք չկա, նրանք երեկ կամ այսօր առավոտյան կստանան հերթական հրամանը իրենց շեֆերի/պետերի կողմից)

Հարգելի հայրենակիցներ: Խնդրում եմ վաղը՝ Ազատության հրապարակում Ձեր ներկայությամբ ապացուցեք, թե ում եք իրականում ընտրել փետրվարի 19-ին: Ձեզնից յուրաքանչյուրի ներկայությունը մեզ կբերի 1 ձայն: Եկե՛ք Ձեր ամուսինների, կանանց, քույլրերի, եղբայրների եւ ծնողների, ընկերների ու մտերիմների հետ: Եկեք եւ ցույց տվեք Ձեր ձայնի իրական արժեքը:

Այսպիսով, կհանդիպենք 15:00-ին՝ Ազատության հրապակակում (Օպերա):

P.S. Խնդրում եմ հնարավորինս շուտ ներկայանալ Ազատության հրապարակ, քանի որ մինչեւ 15:00-ն հնարավոր են ճանապարհային խցանումներ, ավտոտրանսպորտն էլ, կարծում եմ, չի աշխատելու սովորականի պես նորմալ ռիթմով:

Հայրենակիցնե՜ր

2008թ. նախագահական ընտրությունները հերթական փորձությունն էին մեր երկրի հետագա ժողովրդավարացման ճանապարհին: Մենք կարող ու պարտավոր էինք այդ փորձությունից դուրս գալ էլ ավելի միասնական եւ ամրացած, ինչը հնարավորություն կտար լիարժեքորեն դիմագրավել ե՜ւ ներքաղաքական, ե՜ւ սոցիալ-տնտեսական, ե՜ւ արտաքին մարտահրավերները: Այդպես չեղավ մի շարք պատճառներով. ընտրարշավի ամբողջ ընթացքում գերակայեցին փոխադարձ թշնամանքն ու ատելությունը, անհանդուրժողականությունն ու սպառնալիքները:

Հասարակությունը արհեստականորեն երկփեղկվեց ու բեւեռացվեց: Մի կողմից ցանկացած եղանակով իշխանափոխություն իրականացնելու` նախկինների մոլեռանդությունն էր, մյուս կողմից` ամեն գնով սեփական դիրքերը պահպանելու` ներկաների ձգտումը:

ՀՅ Դաշնակցության թեկնածուն հնարավոր ամեն բան արեց մրցակցությունը ծրագրային, գաղափարական հունի մեջ պահելու, երկրի զարգացումը առողջ մթնոլորտում շարունակելու համար, սակայն այս մոտեցումը, ցավոք, լայն արձագանք չգտավ: Մեր թեկնածու Վահան Հովհաննեսյանը ընտրարշավի ողջ ընթացքում ցուցաբերեց սկզբունքային վարքագիծ ու դիրքորոշումներ եւ հարազատորեն ներկայացրեց ՀՅ Դաշնակցությունը:

Բուն ընտրությունները եւս ուղեկցվեցին տարաբնույթ խախտումներով: Համատարած, բացահայտ ու քողարկված ընտրակաշառքով զբաղվեցին առաջատար թեկնածուների կողմնակիցները, որոշ տեղամասերում կոպիտ բռնության, լցոնումների դեպքեր արձանագրվեցին, խախտումներով ընթացավ նաեւ քվեների հաշվարկման փուլը: Արդյունքում` ընտրությունների վերաբերյալ մեր քաղաքացիների գնահատականը միանշանակ չէ, եւ այսօր էլ առկա է հասարակական լարվածություն, երկիրը կանգնած է ետընտրական բեւեռացումը կանխելու եւ համերաշխության մթնոլորտը վերականգնելու հրամայականի առաջ: Ներկա իրավիճակում մենք պատրաստ ենք կամրջողի դեր ստանձնել:

«Իրավական նախաձեռնություն. Ընտրություններ-2008» նախաձեռնության գրասենյակը ահազանգեր է ստանում ՀՀ տարբեր մարզերից, մասնավորաբար Լոռու մարզի Ալավերդի եւ Վանաձոր քաղաքներից, թե պետական եւ տեղական ինքնակառավարման մարմինների մասնակցությամբ, եւ պետական եւ մասնավոր կազմակերպությունների եւ հաստատությունների աշխատակիցներին իրենց կամքին հակառակ, ստիպողաբար բերվում են մայրաքաղաք՝ մասնակցելու Սերժ Սարգսյանի օգտին հանրահավաքին:

«Իրավական նախաձեռնություն. Ընտրություններ-2008» նախաձեռնության գրասենյակը հայտարարում է, որ պատրաստ է պաշտպանել բոլոր քաղաքացիների իրավունքները: Բոլոր նրանք, ովքեր պատրաստ են գրավոր բողոք ներկայացնել իրենց կամքի վրա բռնանալու փաստի վերաբերյալ, կարող են զանգահարել 080-080-804 հեռախոսահամարով:

Այս կոչն առաջին հերթին ուղղված է մեր սփյուռքահայերին եւ արտերկրում գտնվող այն հայրենակիցներիս, ովքեր, ուզած թե չուզած, հայաստանյան իրադարձությունների մասին տեղեկանում են արբանյակային Հ1-ով:

Հարգելի հայրենակիցներ,

Ցավոք, հանրային հեռուստատեսությունն ի դեմս Հ1-ի շարունակվում է մնալ ստի եւ ապատեղեկատվության «համակենտրոնացման օջախ», որը, իսկապես, մեծ դժբախտություն է բոլորիս համար: Հ1-ը, կուրացած Սերժ Սարգսյանին եւ Ռոբերտ Քոչարյանին սատարելու ապաշնորհ գործով, արդեն սկսել է հրամցնել հիրավի ազգադավ եւ մեր թշնամիների սրտին սիրահոժար, հորինովի եւ բացարձակ սուտ հեքիաթներ (գոնե լիներ տեղեկատվություն):

Ինչո՞ւ եմ այս աստիճան վրդովված:

Հայաստանի Ոստիկանությունը տարածել է հետեւյալ հաղորդագրությունը

ՀՀ ոստիկանության Կազմակերպված հանցավորության դեմ պայքարի գլխավոր վարչությունում օպերատիվ տեղեկատվություն էր ստացվել, որ սեւ գույնի ԲՄՎ X5 մակնիշի, 99 ՏԼ 555 պետհամարանիշի եւ արծաթագույն ՎԱԶ 21010 մակնիշի, 80 ՍՍ 555 պետհամարանիշի ավտոմեքենաների մեջ գտնվող անձինք զինված են եւ նպատակ ունեն ապակայունացնել իրավիճակը մայրաքաղաքում:

Փետրվարի 23-ին, Ժամը 23.00-ի սահմաններում, Արգավանդի խաչմերուկի մոտ ԿՀԴՊ ԳՎ աշխատակիցների կողմից նշված մեքենաները կանգնեցվել են: Ստուգելու ժամանակ մեքենաների մեջ գտնվող անձանց կողմից դիմադրություն է ցուցաբերվել, որի ընթացքում ԿՀԴՊ ԳՎ հատուկ նշանակության վարչության աշխատակից Ռաֆիկ Մուրադյանի հաշվեցուցակային զենքից անզգուշաբար կրակոցներ են արձակվել, ինչի հետեւանքով թեթեւ մարմնական վնասվածքներ են ստացել նույն վարչության աշխատակից Գեւորգ Մալխասյանը, 3-րդ վարչության ավագ օպերլիազոր Տիգրան Կարապետյանը եւ դիմադրություն ցուցաբերած Վարդան Ջհանգիրյանը:

ԿՀԴՊ ԳՎ բերման են ենթարկվել ավտոմեքենաներում գտնվողները` ՀՀ գլխավոր դատախազի նախկին տեղակալ Գագիկ Ջհանգիրյանը, Վարդան Ջհանգիրյանը, Կարեն Հովհաննիսյանը եւ Լյովա Պողոսյանը:

Գագիկ Ջհանգիրյանի մոտից հայտնաբերվել է չեխական արտադրության ՉԶ-75 տեսակի ատրճանակ` լիցքավորված 14 փամփուշտով, 1-ը` փամփշտանոցում, Վարդան Ջհանգիրյանի մոտից` ՊՍՄ տեսակի ատրճանակ` լիցքավորված 8 փամփուշտով եւ փամփշտակալով, Կարեն Հովհաննիսյանի մոտից` «Մակարով» տեսակի ատրճանակ` լիցքավորված 8 փամփուշտով ու եւս մեկ փամփշտակալ` 8 փամփուշտով:

Ավտոմեքենաների զննությամբ հայտնաբերվել են որսորդական հրացան, «Բրաունինգ» տիպի ատրճանակ` 14 փամփուշտով, 1-ը` փամփշտանոցում, դաշույն, ձեռնաշղթա եւ զրահաբաճկոն:

Վարդան Ջհանգիրյանը ձերբակալված է:

Փաստի առթիվ հարուցվել է քրեական գործ:

Քննությունը վարում է ՀՀ ոստիկանության Քննչական գլխավոր վարչությունը:

Մի 10-15 րոպե կա, որ վերադարձել եմ Ազատության հրապարակից: Մոտ մեկ ժամի չափ այնտեղ էի, եւ հասցրեցի զրուցել մի շարք մարդկանց եւ իմ ընկերներից Արսենի հետ:

Հրապարակի հարթակում տեսա ինչպես Լեւոնին, այնպես էլ Կարեն Դեմիրճյանին, Արարատ Զուրաբյանին եւ մյուսներին: Հարթակից ժողովրդին բաժանում էին թխվածքներ: Կար նաեւ թաք թեյ: Իմ ժամանելու պահին ժողովուրդը (մի քանի հազար մարդ) համակ ուշադրությամբ ունկնդրում էին «Ազատություն» ռադիոկայանի այսօրվա ձայնագրված ռեպորտաժը: Վրանները իրենց տեղում էին: Հարթակի դիմաց մարդկանց շարքերն ավելի խիտ էին, արձաններից այն կողմ՝ ավելի նոսր, ավելի շատ՝ խմբերով: Վառվում էին խարույկներ, եւ որոշ մասնակիցներ տաքացնում էին իրենց ձեռքները: Կայն ինչպես երիտասարդներ, կանայք, այնպես էլ չափահաս եւ մեծահասակ մարդիկ: Երկրապահներն առանձնանում էին իրենց համազգեստով: Ավելի հեռու կանգնած են ոստիկանները…

Հնչեց երաժշտության. սասանա պար: Մի խումբ երիտասարդներ օղակ բռնեցին եւ սկսեցին պարել: Կողքից ժողովուրդը ծափահարում է եւ ոգեւորում: Աստիճանաբար թափ հավաքեց «Լե-վոն, Լե-վոն» վարկանկումների ալիքը, որն էլ ավելի ուժգնացավ, երբ հարթակից առաջ եկավ Լեւոնը եւ ժողովրդին ողջունեց՝ գլխավերեւում թափահարելով ձեռքերը:

Եղանակը բավականին ցուրտ է: Մնացողներն էլ լավ տաք հագնված ու գլխարկներով: Նրանք կամ կանգնած զրուցում են խմբերով, կամ էլ քայլում հրապարակով մեկ (փորձեցի մի քանի րոպե կանգնած մնալ, զգացի, որ սառչում եմ):

Ինչ են խոսում հրապարակի մարդիկ

Ասում են, որ երկրապահները առեւանգել ու իրենց միության նկուղում պահում են Արեշի (Թոխմախի) Մհերն (Էրեբունու թաղապետին), իսկ Սերժենք էլ առեւանգել են Ջհանգիրյանին, իր եղբորը, օգնականին ու վարորդին… Լարված են բոլորը: Արսեն ասեց, որ, ենթադրվում է, որ այս գիշեր ուժայինները մի բան կձեռնարկեն՝ ցրելու ժողովրդին… Մի պրովոկացիա կհնարեն ու կանցնեն գործի: Կամ էլ առանց դրա

Աստված չանի, սա արդեն կլինի Սերժի ու Ռոբերտի հերթական սխալը:

Այս տեղեկատվությունը ստացվել է Արսենից, ով այսօր, արդեն 2-րդ գիշերն անընդմեջ անցկացնում է Ազատության հրապարակում:

Մթնոլորտը ավելի քան տոնական է: Հաղթանակի կոչեր, երգ-երաժշտություն, պար, վրանային հանգիստ… Նստացույցի մասնակիցների թիվը գերազանցում է նախորդ գիշերվանը:

Ես ինքս հրապարակում էի երեկոյան ժամերին՝ 20:00-ից մինչեւ 22:00-ի կողմերը: Խաղաղ եւ լավ նորությունների սպասող ցուցարարներ: Երգ ու պար: Իսկական տոն:

Սպասենք մինչեւ առավոտ, երբ, ըստ Առաջին Նախագահի կանխատեսումների, մենք պետք է ականատեսը լինենք Ոստիկանության բարձրաստիճան մի շարք պաշտոնյաների հրաժարականներին:

Ի՞նչ է իրականում տեղի ունենում:

Իմ կարծիքով, առկա է 2 հնարավոր սցենար:

ՀՀ նախկին զինվորական դատախազ, այժմ ՀՀ գլխավոր դատախազի տեղակալ Գագիկ Ջհանգիրյանը Ազատության հրապարակում է հայտարարեց Լեւոն Տեր-Պետրոսյանի շարժմանը միանալու մասին:

Սիրելի հայրենակիցներ, ես ազնիվ չէի լինի ինքս իմ հետ, եթե 27-ը չքննարկեի ձեզ հետ. ես միանշանակ միանում եմ Լեւոն Տեր-Պետրոսյանի տված քաղաքական գնահատականներին: 27-ից անջատված մասով քրեական գործի վարույթը կարճվեց եւ կարճվեց քրեական դատավարության օրենսգրքի կոպիտ խախտումներով. եւ այդ անջատված մասով քննությունը արգելվում է: Ես ձեզ խոստանում եմ, որ եթե դուք օգնեք ընտրված նախագահին, օգնեք ինձ, կհասնենք մենք մինչեւ վերջ:

Ես դիմում Վազգենի բոլոր ընկերներին, Վազգենի բոլոր զինակիցներին, բոլոր նրանց, ովքեր իրենց համարում են վազգենական, ես դիմում եմ բոլոր ազատամատիկներին, անկախ նրանից, թե նրանք այսօր ինչ անվան տակ են կանգնած՝ Ոգու փորձություն է, Մահապարտ է, Երկրապահ է, թե ինչ: Տղաներ, բավական է կենացներ ասելիս լաց լինեք, հայհոյեք, թքեք-մրեք. օրը եկել է, պահը հասել էՙ:

Հ.Գ. Jojoba, կարծում եմ, այս անգամ կհավատաք այս տեղեկությանը, քանզի այն third-party չէ smile

Սոցիալ Դեմոկրատ Հնչակեան Կուսակցութեան Կեդրոնական Վարչութիւնը, համայն սփիւռքահայութեան անունով կու գայ յայտնելու իր ամբողջական զօրակցութիւնը Հայաստանի մէջ թափ առած համաժողովրդական շարժումին ազատութեան ու արդարութեան համար իր մղած այս պայքարի ընթացքին, ու աւելի քան վստահ ենք անոր վերջնական յաղթանակին:

Արտասահմանի մէջ ապրող հայ ժողովուրդի զաւակները վայրկեանը-վայրկեանին կը հետեւին մայր հայրենիքի մէջ տեղի ունեցող իրադարձութիւններուն եւ ժողովրդային վեհ շարժումի ստացած լայն տարողութեան:

Մենք կը դատապարտենք ժողովուրդի ձայները գողնալու միջոցաւ հերթական յեղաշրջումը իրականացնելու փորձերը եւ վստահ ենք որ այդ քայլերը պիտի մատնուին ձախողութեան, շնորհիւ մեր բոլորի միասնականութեան:

Մենք կզգուշացնենք Հայաստանի իշխանութիւններուն հեռու մնալ խաղաղ ժողովուրդի դէմ բռնամիջոցներ օգտագործելու ամէն տեսակի արկածախնդրական քայլերէ:

Մենք կը պահանջենք Կետրոնական Ընտրական Յանձնաժողովէն հաստատել Լեւոն Տէր-Պետրոսեանի յաղթանակը որպէս ազգընտիր նախագահ:

Սոցիալ Դեմոկրատ Հնչակեան Կուսակցութեան սփիւռքեան կառոյցները իրենց բոլոր միջոցները ի սպաս դրած են Հայաստանի մէջ ժողովրդավարութեան վերահաստատման եւ բռնատիրական ռեժիմի տապալման գործին:

ԹԷեւ հազարաւոր մղոններ իրարմէ հեռու, Հայ ժողովուրդի երկու հատուածները, վերջին տասնամեակին երբեք իրար այսքան մօտ եւ հարազատ չեն եղած, որքան այս պահուն: Մեր միտքը, մեր սիրտը ու մեր հոգին Հայրենիքի ժողովուրդի հետն է:

Կեցցէ Համաժողովրդային շարժումը
Կեցցէ Հայաստանը

Ս.Դ.Հ.Կ.Կեդրոնական Վարչութիւն
Լոս Անճելըս
Ամերիկայի Միացեալ Նահանգներ
Փետրուար 22, 2008

Հենց նոր զրուցեցի ընկերներիցս մեկի հետ, ով Ազատության հրապարակում նստացույց հայտարարած քաղաքացիներից մեկն է (ինչպես ինքն է հպարտորեն ասում՝ ազատ քաղաքացիներից մեկը):

Եվ այսպես. Ազատության հրապարակ, փետրվարի 22, ժ. 1:25 կեսգիշերից հետո: Վրաններ՝ մոտ 50 հատ եւ ժողովուրդ՝ մինչեւ 2-3 հազարի հասնող: Թվում է, թե՝ հոգնած պետք է լինեն, մրսած (անկախ այն հանգամանքից, որ պարբերաբար բաժանվում է տաք թեյ եւ բուլկիներ), սակայն, հեռախոսի լսափողից լսելով ակտիվ խոսակցությունները, եւ ժամանակ առ ժամանակ մեր խոսակցությունը ընդհատվող «Հաղ-թա-նակ… Լե-վոն» միացյալ կոչերը, զգում եմ, որ տղաների արյունը եռում է: Կարեւորը՝ մարդու հոգին աշխույժ լինի, որը եւ զգացի ընկերոջս ձայնից: Մոռացա նշել անունը՝ Արսեն է (սա հատուկ՝ 02-ի օպերների համար):

Նստացույցը ժամանակ առ ժամանակ աշխուժացնում է Նիկոլ Փաշինյանը՝ իր կոչերով: Նույն Նիկոլի կոչով հրապարակում «շաբաթօրյակ» են արել ու մաքրել-մի տեղ հավաքել աղբը: Երաժշտություն, երբեմն էլ՝ պար...: Նաեւ բազմամարդ քոչարի՝ Նիկոլի, Արամի եւ մյուսների հետ:

Լեւոնն էլ է այստեղ: Իր համար մի հատ «բուդկա (վագոնչիկ)» էին ուզում բերել, սակայն ոստիկանները չեն թողել: Ամեն ինչ նորմալ է, ու ցերեկը 15:00-ին սպասվում է մեծ միտինգի շարունակություն:

Մի բան էլ մոռացա ասել. բոլորը սպասում են ինչ-որ նորության, ինչ-որ 180 աստիճան շրջադարձի…

Ի՞նչ են խոսում նստացույցի մասնակիցները...

Նախագահականում քնած չեն: Այնտեղ էլ է կյանքը եռում: Ասում են, Քոչարյանին հրաժարականի դիմումներ են ներկայացրել տարբեր բարձրաստիճան պաշտոնյաներ (այս թվում՝ ՀՀ Ոստիկանապետը): Ասում են, այս պաշտոնյաները 48-ժամվա ուլտիմատում են ներկայացրել… Պահանջների մասին չգիտեն, բայց, երեւի թե կապված է նոր ընտրություններ անցկացնելու հետ:

Ես մեր բլոգի անունից ողջունեցի նրանց (համոզված եմ, դեմ չեք):

A.S.
Հարգելիներս, այս գրառումն իրականում պատկանում է մեր Jojoba-ին, սակայն, կարծում եմ, որ այն պետք է հայտնվի որպես գրառում, այլ ոչ թե մեկնաբանություն, ուստի եւ Jojoba-ի մեկնաբանությունը ներկայացնում եմ բոլորիդ ուշադրությանը որպես առանձին ու ԽԻՍՏ ԿԱՐԵՎՈՐ գրառում:

Իմ կողմից. ես այս գրառումն ուղարկում եմ ԼՏՊ-ի կայքի webmaster-ին:

Խնդրում ենք այս լուրը փոխանցել ըստ պահանջի:

Առաջարկում եմ ԼՏՊ-ի կայքի վրա բացել բաժին, որտեղ կարտահայտվեն նորությունները՝ «real time» տարբերակով:

Ի՞նչ է հարկավոր դրա համար:

1. Մեկ աշխատող (part time), որին տրվում է մեկ բջջային հեռախոս եվ այդ համարը տրվում է մի 10 հոգու, որոնք ժամանակ առ ժամանակ հաղորդում են թարմ ինֆորմացիա

2. Պահանջները. հայերենի իմացությոին (նկատի ունեմ` հայերեն տպելու ունակություն, ոչ ավել):

Մնացածն արդեն կազմակերպչական հարցեր են:

Այսինքն.

Եթե ԼՏՊ-ի կայքը չունի այդ հնարավորությունը (չնայած շատ կասկածում եմ), կամ, ասենք, ցանկություն չկա ամբողջ կայքի login/pass-ը տալ ինչ որ մի աշխատողի, ապա առաջարկում եմ իմ կողմից.

1-2 ժամվա ընթացքում սարքել մի լրահոսի script, տեղադրել իմ սայթերից որեվե մեկի վրա (տալ access to this script, so editor will have access only to this script, nothing else), եվ հասարակ include անել իրենց կայքի վրա:

Հասարակ user-ը նույնիսկ չի հասկանա, որ նորությունը ստացվում է, այլ կայքից, իսկ ԼՏՊ-ն կարող է հանգիստ քնել, որ իր կայքի access չունի ինչ որ «անկապ» աշխատող:

Իսկ մենք կստանանք գոնե 1 հատ նորմալ եւ ժամանակին թարմացվող ինֆորմացիոն աղբյուր:

Կրկնում եմ. աշխատողից միայն պահանջվում է հայերեն տպելու հնարավորություն, ոչ ավելի: Նկատի ունեմ, որ նորություն ավելացնելը կլինի ավելի հեշտ, քան այս կայքում հոդված գրելը. նման աշխատողին կարելի վարձել ասենք 50$-ով (ասենք, որեւէ մեկը, որն ունի ինտերնետ աշխատանքի տեղը): Իր արածը ընդամենը լինելու օրը մի քանի անգամ նորություն ավելացնել:

Գոնե այսքանից հետո մի շարունակեք անել նույն սխալերը, ինչը քիչ չէր նախընտրական շրջանում:

Ազիան'-ի ավատարը

Հետաքրքիր է. փոխվում են իշխանությունները, իսկ ժողովրդի պահանջը անփոփոխ է մնում, կարծես թե պոստին նույն մարդն է անփոփոխ:

Թերթենք թերթերը և կհամոզվենք՝ Սերժն է, Ռոբերտն է, թե Լևոնն է նախագահ:

Ձեռագրերը նույնն է:

Այսօր ես իմ երեք ընկերների հետ միասին մասնակցեցինք Լեւոն Տեր-Պետրոսյանի փետրվարի 20-ի 1-ին հանրահավաքին (Մատենադարանի մերձակայքում), աննախադեպ բազմամարդ երթին (ըստ իս՝ գրեթե 200 հազար մասնակիցներով) եւ 2-րդ հանրահավաքին՝ Ազատության հրապարակում:

Մինչեւ Մատենադարան ժամանելը՝ խիստ վրդովված էի: Ահավոր վրդովված ու վիրավորված: Այն, որ ընտրությունները կեղծվել են, դա ինձ մոտ որեւէ նույնիսկ փոքր կասկած չի հարուցում, որքան էլ փորձեն փիլիսոփայել հանրապետականները: Նրանց փիլիսոփայությունն այնքան խորն է, որքան բազմաթիվ են Լֆիկի, Դոդի ու նմանների ուղեղի ծալքերը: Ընտրությունները պետք է նման արդյունք ունենային. ես համամիտ եմ Լեւոն Տեր-Պետրոսյանի հետ, ով հանգստացնում էր հազարավոր ինձ պես վրդովվածներին, թե՝ «ոչ մի արտառոց բան տեղի չի ունեցել: Հերթական անգամ տեղի են ունեցել նորմալ խայտառակ ընտրություններ»: Իրոք, նախանձելի սառնասրտություն:

Եղանակը սառն էր, սակայն մարդկանց սիրտը լցված էր եւ նրանց «արյունը եռում էր»: Ընկերս՝ Նաիրին, համոզված է, որ «սեպը սեպով են հանում»: Նա խորհուրդ է տալիս. «Սերժենք ասում են՝ մեր դեմ խաղ չկա: Ու երեկ ապացուցեցին դա եւս մեկ անգամ: Էլ ի՞նչ է մնում դրանից հետո: Մնում է մի բան՝ հերթով այցելել այս բազմամարդ զանգվածով բոլոր -ի տղերքի ամրոցները եւ իրենց իսկ դքսություններում հողին հավաասարեցնել այդ «տավարների» եղած-չեղածը: Ծեծել այնպես, որ իր առաջին բջջի առաջանալը հիշի ու քարշ-տալ բերել Ազատության հրապարակ: Հավատա, որ էսօր մի 2 հոգու որ այս սենց՝ մասսայական պատժեն, վաղը Մատենադարանի մոտ 2 անգամ ավելի շատ մարդ կհավաքվի»:

A.S. Հաստ տառատեսակով նշվել են այն նախադասությունները, արտահայտությունները, որոնք մեր հեռուստաընկերությունները «մոռացել են» տեղեկացնել՝ ներկայացնելով ստորեւ հայտարարությունը

ՀՀ ՆԱԽԱԳԱՀԻ ԸՆՏՐՈՒԹՅՈՒՆՆԵՐ,
20 Փետրվարի, 2008
ԸՆՏՐՈՒԹՅՈՒՆՆԵՐԻ ՄԻՋԱԶԳԱՅԻՆ ԴԻՏՈՐԴԱԿԱՆ ԱՌԱՔԵԼՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԸՆՏՐՈՒԹՅՈՒՆՆԵՐ,
ՓԵՏՐՎԱՐԻ 19, 2008 Թ.
ՀԱՅՏԱՐԱՐՈՒԹՅՈՒՆ ՆԱԽՆԱԿԱՆ ՀԱՅՏՆԱԲԵՐՈՒՄՆԵՐԻ ԵՒ ԵԶՐԱԿԱՑՈՒԹՅՈՒՆՆԵՐԻ ՎԵՐԱԲԵՐՅԱԼ

Հայաստանում փետրվարի 19-ի նախագահական ընտրությունների՝ Ընտրությունների միջազգային դիտորդական առաքելությունը (ԸՄԴԱ) հանդիսանում է ԵԱՀԿ-ի Ժողովրդավարական հաստատությունների եւ մարդու իրավունքների գրասենյակի (ԵԱՀԿ/ԺՀՄԻԳ), ԵԱՀԿ Խորհրդարանական վեհաժողովի (ԵԱՀԿ ԽՎ), Եվրախորհրդի Խորհրդարանական վեհաժողովի (ԵԽ ԽՎ) եւ Եվրոպական խորհրդարանի (ԵԽ) համատեղ նախաձեռնությունը:

Ընտրությունները գնահատվում են ելնելով ԵԱՀԿ-ի եւ Եվրախորհրդի նկատմամբ ստանձնած պարտավորություններից, ինչպես նաեւ ժողովրդավարական ընտրությունների անցկացման չափանիշներից եւ ազգային օրենսդրությունից: Նախնական հայտնաբերումների եւ եզրակացությունների վերաբերյալ սույն հայտարարությունը ներկայացվում է նախքան ընտրական գործընթացի ավարտը, այդ թվում՝ վերջնական արդյունքների ամփոփումը եւ հայտարարումը, ընտրությունների օրվան հաջորդող հնարավոր բողոքների եւ բողոքարկումների վարույթը եւ նորընտիր Նախագահի կողմից իր պաշտոնի ստանձնումը: Ընտրությունների վերջնական գնահատականը մասամբ կախված կլինի ընտրական գործընթացի մնացած փուլերի անցկացումից, ինչպես նաեւ ընդհանուր առմամբ ժողովրդավարական գործընթացին վերաբերող պարտավորությունների իրականացման գործում ընտրությունների մասնակիցների ընդհանուր ներգրավվածությունից: ԵԱՀԿ/ԺՀՄԻԳ-ը կներկայացնի համակողմանի ամփոփիչ զեկույց՝ ներառյալ հնարավոր բարեփոխումների առաջարկությունները, ընտրական գործընթացի ավարտից մոտ երկու ամիս անց: ԵԱՀԿ ԽՎ-ն իր զեկույցը կներկայացնի 2008 թվականի փետրվարի 21-ին՝ մշտական հանձնաժողովի նիստի ժամանակ եւ ԵԽ ԽՎ-ն՝ 2008 թվականի ապրիլ ամսվա իր Լիակազմ նիստի ժամանակ:

ԸՄԴԱ-ում ներկայացված հաստատությունները շնորհակալություն են հայտնում Հայաստանի Հանրապետության իշխանություններին եւ հայտնում պատրաստակամություն շարունակել աջակցել նրանց եւ քաղաքացիական հասարակությանը Հայաստանում ժողովրդավարական ընտրությունների անցկացման հարցում:

Հարգելիներս, եկեք մենք էլ մեր հերթին հետեւենք ընտրությունների ընթացքին ու գրառենք ամե ինչի մասին, ինչ տեսնում ենք: Խնդրում եմ լինել առավելագույնս ազնիվ:

Սկսեմ ինձնից: Դեռ չեմ գնացել ընտրության: Շուտով կգամ:
Մեր ընտրատարածքը երեւում է մեր իսկ բնակարանի պատուհանից: Հասցեն՝ Երեւանի թիվ 164 դպրոց (Թոթովենցի փ. 7), ընտրատեղամաս 1/24:

Մեր ընտանիքից արդեն քվեարկել են մայրս ու հայրս: Իրենք տեղեկացրին, որ ընտրատեղամասում բաժանվում է Երեւանյան Կրկեսի տոմսեր՝ առանց որեւէ ակնարկի, թե ում ընտրեն եւ այլն…

Այժմ իմ դիտարկումը (պատուհանից). արդեն իսկ մոտ 15 գազել մարդ են բերել ընտրատեղամաս:

Սպասում եմ ձեր գրառումներին՝ այս վերնագրի ներքո:

Հոդվածիս վերնագիրը ինձ թելադրեց Ազատություն լրատվականի ինտերնետային կայքում փետրվարի 17-ի մամուլի տեսությունը: Կարծես թե մեր խմբագիրները ինչ-որ փոփոխության հոտ են առել: Նայենք…

Ազիան'-ի ավատարը

Ընտրությունները նոր չեն մարդկության պատմության մեջ: Մարդկությունը ՆՈՐԻ, ԹԱՐՄՈՒԹՅԱՆ կարոտ է և կարիքն ունի փոփոխության՝ ձգտելով դրական տեղաշարժերի, բարեկեցության ու հարմարավետության:

Սա ՀԱՎԵՐԺԱԿԱՆ ձգտում է, քանի որ միշտ էլ անկատար մարդկային դրսևորումներն իրենց բավարարումները չեն արդարացնում, որովհետև ամեն ինչ հարաբերական է և կա «լավից լավ» սկզբունքը, որի կիրառությունն էլ մարդկությանը մղում է մեկ այլ ծայրահեղության, այն է՝ ծայրահեղ անբավարարվածության դրսևորման ու դժգոհությունների:

Levon-Ter Petrosyan meeting 16.02.08 Levon-Ter Petrosyan meeting 16.02.08

Levon-Ter Petrosyan meeting 16.02.08 Levon-Ter Petrosyan meeting 16.02.08

Levon-Ter Petrosyan meeting 16.02.08 Levon-Ter Petrosyan meeting 16.02.08

Levon-Ter Petrosyan meeting 16.02.08 Levon-Ter Petrosyan meeting 16.02.08

Levon-Ter Petrosyan meeting 16.02.08 Levon-Ter Petrosyan meeting 16.02.08

Ընտրապայքարն անտանելի է դարձել. իրար՝ է՛լ դավաճան, է՛լ ծախված, է՛լ ծախած, էլ ի՛նչ ասես որ չեն անվանում: Սկսվեց մեր ներկայիս նախագահից, որը սպառնաց հիշեցնել «մութ ու ցուրտ» տարիների մասին, հետո զգաց, որ իր ասելու բաներ չեն դրանք, միացրեց դհոլը, Կարապետիչին: Հետո միացավ Վազգենը, Վահանը, միացավ ի վերջո Արթուրը: Իսկ ինչո՞ւ… Պատասխան` նրանց «բախչեն քար էր գցվել»: Իսկ ո՞վ էր գցել:

Ազատագրական շարժում գլխավորած Լևոն Տեր-Պետրոսյանը շատ արագ հասկացավ, որ ժողովրդի մի հսկայական զանգված` հիմնականում երիտասարդությունը, իրեն տեսնում է փրկչի դերում: Միգուցե տարվել էր PR աշխատանք դրանից առաջ, բայց էականը աշխատանքը չէ. դա Սերժի համար էլ է արվում, բայց արդյունք չկա: Լևոնը սկսեց շատ խիստ, խարազանող քննադատությամբ միմիայն իշխող երկյակի ու նրանց սատարող հանցագործ ընտանիքների ուղղությամբ:

Առաջին մի երկու հանրահավաքի ընթացքում շարադրեց իր պատկերացումները հանցագործ բուրգի մասին. դա տարածեց իրեն լոյալ «Հայկական Ժամանակով» ու «Չորրորդ Իշխանությամբ»: Ես որպես հայաստանասեր մարդ, սպասում էի հանդարտման՝ շատ հստակ պատկերացնելով, որ հակառակ կողմից հրաձգությունը սաստկանալու է ցանկացած պարագայում: Բայց իմ սպասումները չիրականացան:

Ողջույն բոլորիդ: Մինչեւ խոսքս սկսելը (այսօր այն բավականին բառաշատ է լինելու) ցանկանում եմ մեկնաբանել այլ գրառումներում հնչած մտքերին եւ տեղեկացնել իմ սեփական կարծիքները:

Նախ, Jojoba-ին տեղեկացնեմ, որ վերադառնալու եմ Հայաստան 18-ին, այնպես որ ընտրությունների օրը եւ այդ օրվան հաջորդող օրերին կլինեմ Հայաստանում: Սա հատուկ նշում եմ անվտանգության աշխատակիցների համար: Եթե իմ հետ մի բան կատարվի, ուրեմն մեղքը Բելավիայինն է ու Զվարթնոցի տեխանվտանգության ծառայության աշխատակիցներին (Արթուր Բաղդասարյանի ոճով): Կատակը մի կողմ, իհարկե, ցավալի զգացումներ ունեցա՝ տեղեկանալով ավիավթարի մասին:

Դարձյալ Jojoba-ին պատասխանեմ՝ տեղեկացնելով, որ ես մենակ չեմ աշխատում այս բլոգում, եւ ուղղումները հաճախ կատարվում են F5 team-ի այլ անդամների կողմից:

Անցնելով Phenomen-ին, ցանկանում եմ հիշեցնել, որ «սոցհարցում» բառի առաջին արմատը «սոցիում»-ն է, այն է՝ «հասարակություն»: Դուք հարցում եք անցկացրել Ձեր ծանոթ-բարեկամների շրջանում, իսկ այդ շրջանակի կարծիքը քիչ կարող է տարբերվել Ձեր մասնավոր կարծիքից: Ուզո՞ւմ եք կոնկրետ շենք ասեմ, գնաք, տեսնեք, թե ինչպես են միահամուռ բոլորը Սերժին ընտրելու: Ի միջիայլոց, այդ շենքի բնակիչների 70%-ը ղարաբաղցիներ կամ նախկին ադրբեջանաբնակներ են: Մի բան էլ ասեմ. ղարաբաղցիները, ի տարբերություն մյուսների, շատ լավ ընկալում են «մոտալուտ վտանգը» եւ շատ հաջող «համախմբվում»: Ամեն դեպքում՝ ուրախ եմ խիստ, որ Ձեր մտերիմների շրջանում Սերժին, Արտաշին, Արամին, Տիգրանին, Արմանին ընտրող չկա: Սա արդեն ձեռքբերում է, որի մեջ, ելնելով Ձեր կրքոտ գրառումներից, կա նաեւ Ձեր անձնական ներդրումը (ժամանակ եւ էներգիա):

Էջ 1/1 •

Հոդվածի հրապարակում

Կառավարման վահանակ




Հիշե՞լ  

Հիշեցնել գաղտնաբառը




Ընտրել
էջի ձեւավորումը



My Facebook Page